Page:Agmoak-Didiwiten-Noli-Pangasinan-nen-Jose-RIzal-1963.pdf/167

sio na liblibro, babasaen kon amin so narumog ko tan tatalusan kon maong so nababasak. Nisesengeg ed saray balon kanunotan a nasasagsagmako, nauman so pakanengneng kod saray nagagawa tan atalusan koray nambabangil a sananey so pakakanengneng ko nen saman. Anengneng ko ray kalilingo ed inisip koran gendat a katuaan, tan ontan met a naimanok a katuaan manayay inisip koran lingo. Singa bilang say panaglewet ya abangonan layan gawa ed eskuilaan, a nen saman et sikato labat so isip a pakaaralan day ugugaw — ta sikato lanti impasal dad sikatayon inpasisia; atalusan ko ya anggapon balot so nitulong tod ibolaslas na ugaw no ag ingen balbaleg so pakaderal to. Abilibilik ed kalakal ko ya say sakey ya ugaw et ag makapannunot na matunong no sankanengneng to tan singa to la tatalaranay palmita, lewet ono arum niran panagdusa; say pansesga tan takut masulosulok a makaderal na panagnunot na anggan sankasekderan lan linawa, sakey ni, say kanunotay ugaw mabona tan maininomay a pangitaneman. Tan lapod, piano ontatak ed utek iray kanu­ notan, et nakaukolan a walay kareenan ed dilin loob tan kipapasen da, kareenan ed kanunotan, kareenan ed bilay tan liknaan, tan pilalek ya pakaamta, inisip kon say ononaonan manepeg kon gaween say pangiter kod saray ugugaw na pananisiad inkasikaran dili, say pansiguro ed kipapasen da, tan say dili met a panamablf. Sakey ni atalusan kon say pakanenengneng dan inagewagew na panaglewet, papateyen tod kapusoan day panangasi tan eerepen tod sikaray apuy na kagalangan, a sikatoyay sankabalgan a manisimbang diad tapew na dalin, ombabaigan ira tan nanaekalan larav kababaingan ya ontan lay irap tonyan napapawil. Nanenengneng ko met a no say sakey ya ugaw et alewet, makaliket no nalewet met iray ibiba to, tan makaimis a singa napepera no narengel toy pannangnangis day arum; tan samet so ugaw a naturon manlewet, anggaman diad kagapo et ontulok a mairap so linawa to, diad panaakar na agew napasal met la tan singa panliliketan to met lay makaparpaermen a gagaween to. Akebiew ak ed pannodnunot koy linmabas, tan ninunot kon ilaban so gagatinan a panaon ed pangoman kon pamaabig na itsuray panagbangat. Ginawak so anggaay nayarian ko ed pamagayagay pa-

— 143 —