nagaral pian onalak so linawa i’ay ugugaw, pian komon
samay cartilla(1) et agda ipasen a singa bilang libron andeket a naames na lua ra, no agta manmaliw a kaaro
ran mangipanengneng ed mata ray nambabangil iran
maamot a makapakelaw; tan say eskuilaan naekal
lan pasen a panagliknaay irap tan dusa, ya manmaliw a sakey a pasen a pangitaligaygayay kanunotan. Kinalkalnaan kon inekal iray lewet, impapawil kod abong ko ramay panagpairap tan insublay
kon insalat so matonung a panlalaglagan tan panamabli ed inkasikaran dili. No ag naaral ono niparaan so sakey a leksidn, ipapasen kon lapod kakulangay
pilalek a manaral ya aliwan kamangmangan; say ipapaseksek kod sikara so maong so ulo ra, tan sarag da no
gagalaen da, ya anggano aliwa met lan onian petepeteg
so katuaan, tan nisengeg ed sayan pakaamta ray pananisiak ed pakayari ra, napasout iran manaral ya unong
na say pananisia ed pakayarin dili et mangiter na bayani. Nen kagapo say pakanengneng ko singa ag nayari kanunotan ko: akamayamay so ag manaaral; siak balet sineetan kon intuloy tan naimanok a mankakalkalna
ran onliligsay ugugaw, mandakel so onourong tan man
betbet so kakaurong da; tan samay ugaw a nidadayew
ed arap day kaiba to, diad kaimbuasan manaral na
dobli. Nibawag ed baley so agko panlelewet; impatawag ak nen kura, tan maniapod mapagpaga ak a wala
lamet so nagawan guld, inggalang kon amagamaga ed
tagalog. Akisalitaan to ak a mabinbinta. Inkuanto ya
dederalen koray ugugaw, dadaraken koy tiempo, agko
susumpaley nabebetangan ko, ya say ateng ya ag manlewet agto inaroy anak to, ya unong ed Espiritu Santo,
say aral nakaukolan ya ipaseksek na dala, etc., etc.!
Nambabangil ya inbabaga tod siak iran salsalita ono
alimbawa ra nen panaon iran inmona, ya singa bilang
masarag lay pangibaga ray totoon daan ta piano agla
nasumlang; unong na salsalita to, nayari sirin a sisiaen
a tuan wala ramay makapataktakut a pinalsan inbabangbang nen inmona ran panaon ed saray palasio tan
simsimbaan. Diad maganon salita, binilin to ak a mankuli tan mangipawil na panagbangat a naugaliyan, ta
no andi idalem to ak ed Alcalde.(2) Ad dia anganggay
(1) Libron maiimpis a kawalaay abadaan tan panagaralan dan manbasay onggapon manaral.
(2) Gobernador na luyag.
