masulit kon kapalaran. Kalabas na pigay agew nitan
larad konbintoy kaatengan day ugugaw tan akaukolan
kon inagamil so sankabalgan ya anos tan tepel. Ginapoan dan indadayew ed siak iray panaon ya inmona,
nen saray mamaistro et walay sekder da tan say panagbangat da et singa inpanbabangat day laklaki ra. ‘Sikaramay tuan makabat!’ kuanda, ‘saraman manlewet ira
tan pepeteken daray kiew a pikewet. Saraman aliwa
ran ugugaw, mamasiken laran dakelay amta rad bilay,
ubanen lara tan masesebeg ira! Si Don Catalino ya panonaanen dan amin a sikatoy angiletneg nian eskuilaan
agto manlelewet na kulang a duamplo tan lima kapag
maminsan, kanian tin dakel iray binabangatan to ya
pinmaway a makabat tan nanpapari. Ah! talagan saray
inmonan totoo daeg da itayo, on talagan daeg da itayo!’ Saray arum kulang da ni rayan masakit a paspasiki.
Inbaga ran maliwliwawa ya no ituloy koy gagaween ko,
anggapoy naaralan day anak da tan napasout iran patondaen da lara. Anggapoy kabaliksay impangipaliwawak ed sikara; maniapod kaugawan ko agda ak sisiaen.
Agay lan anggapo ni uban ko! Dinadalatdat dad siak
so ibabaga nen kura, say ibabaga tonian too, say iba
baga ton may sakey, tan iiter da met ya alimbawa so
inkasikaran dfli ya pakanengneng a kuandan no ag say
karakel na lewet ya inaako rad saray nanbabangat ed
sikara ag ira komon akaaral. Say impililikna rad siak
na pigaran totoo apasamit to met na daiset so linawak
ed sayan inkagawa.”
“Makagapod saya apilit ak ya angitonda na itsuray panbabangat ko ya anta onman ya irap ko la, tan onggagapo la nimet a nananam koy bunga ray sagsagpot ko. Andi ilalo, inawit kora lamet ya impawil ed eskuilaan iray lewet tan ginapoan ko lamet so sakey a sankasulitan a gawa. Inmandi kareenan, tan pinmawil a nipintay kaermenan ed lupa ray ugugaw ya anta onsasabi lay panangaro rad siak, a bukor da kalamor so kapiregan ko tan kakaarok. Anggaman gagaween koy anggaay nayarian ko ed pamaparaiset tan pangikakalnak na panaglewet ko, saray ugugaw niliklikna ran maong, si nga ra apaabeban apaunong, tan mannangnangis iray makapasigsinagem. Ansakit so pagew kon mannengnengneng ed sikara tan anggaman diad dalem et masiadoy sanok ko ed inkagonggong daray boleg da, agko
