met naakon ipangget ed saraman a pangaskasiyan ya
andi kasalanan ya ugugaw a napapairap nisesengeg ed
aliwan panagnunot day kaatengan da. Saray lualua
ra singa ra ak pupoulan; ngalngalin onbetag so pagew
ko, tan saman ya agew asakbay ak ya inmalis tan linma
ak lad abong a diman ak nannangis ed kabukoran
Pankelawan yo lag! onman lan inpanliknak et no wala
kayod kipapasen ko natalusan yo anganko. Kuanen masiken Tasiod siak: ‘Kakaukolan day lewet iray atateng?
Akit ag sikaray nilewet yo ey?’ Asakitan ak nisesengeg
ed saya.”
Si Ibarra dedengelen ton sinonunot.
“Kaabig ko pinmawil ak ed eskuilaan tan kakalima labat so asabik ed saray babangatan ko. Saramay magaganay ulo ra agla ra inmorong nen inpawil koy gendat a panagbangat; saramay nakdaan a pigara, ya onourong ira labat pian nibatikan day kimey ed abong, anggapoy akaliket ed inpawil ko, anggapo labat so anggan sakey ya angibagan akaliket ed inabig ko: kapara tod sikaray yabig ko may andi, nayari pani lagin mas lablabayen day agak la onabig ta samay sinmandid siak anggaman mas malewet, mataltalag balet ya onurong. Saray arum a babangatan ko, saray napapasout day ateng dan onu rong, ag ira ondagod eskuilaan, onia ran ompasiar a manliwagliwag. Inpakasalanan dad siak ya lamet, pinapalamlaman kora kono, tan pinasiay tetel dad siak. Wala balet so sakey ya anak na biin taga uma ya dinmalaw nen agmakayari ak ya say agto akapawilan ta linmoob a sakristan: tan say kuanen sakristan mayor ag ira manepeg ya onurong so sakristan ta napaabeba ra.”
“Anto ey, pinasarag yo laray balon babangatan yo a?” tinepet nen Ibarra.
“Anto ni arum a nagawaan ko ey?” kuanton inmebat. “Ontan man maniapod kaleganay inpansakit ko et nambabangil so agawgawa, asalatay kura. Nanilalo ak lamet tan gagaween koy anggaay nayarian ko ta pian saraman ya ugugaw et ag nadarak ya aminpinsan so panayam dad eskuilaan, pian komon walay naala ran kaabigan ed kalelewet da, tan itetepel dan kababaingan, kuankod linawak. Anggaman agda ak la naaro, labay ko labat a walay niiter kod sikaran makana ya makabawas na daiset na irap na linawa ra ed pakanu-
