not dad siak ed kaunoran. Amta yon peteg a diad karaklan ed saray eskuilaan saray libro insulat irad salitay kastila, likod labat so toksoay tagalog a tukoytukoy
ed Corporacion(1) a kawalaay kura. Saray naugaliyan
a libron ikakana, nobinas, trisagios, tan say toksoan nen
pari Astete.(2) Maniapod agko ra nibangat na kastila
tan agko met la nipjltalus so ontan lan karakel na libro,
gagaween koy anggaay nayarian kon pangisasalet tan
pangisasandik na antikey iran sulsulat ya inaala ed
“Nipaakar ed Maong a Pitotoo” ya gawa nen Hortensio
tan Feliza, antitikey iran libro a nipaakar ed panagtanem, etc., etc. No arum wala ra met so ipatalus kod ta
galog ya antikey iran libro, singa bilang ‘Say Awaray
Filipinas a gawa nen P. Barranera ya saraya ididiktak
ed sikara ta pian pantitiponen darad kuaderno ra ya
papanopanoan ko met ira no arum na pakaisip kon dili.
Lapod anggapoy mapa ya panbangatan koy Geografia,
sinakal koy sakey ya anengneng kod Ibale insan koya
inalis dimad baldosay eskuilaan a sikatoy pangibabangatan koy kanengnengan tan kipapasey bansa tayo.
Natan sara balet so ateng a bibii so nanggulo; saray lalaki akaimis ira labat ta inpasen dalan sakey ya lamet
ed saray kaambagelan ko. Impatawag ak nen balon
kura, tan anggaman agto ak nanpasnokan, inbaga to ba
let ed siak a say manepeg ya ononan asikasoen ko say
Religion ono pananisia tan takut ed Dios, tan kasakbayan kon ibangat iray ibabangat ko, nakaukolan a saray
ugugaw et nipanengneng dad eksamin a patlep daran
maong so Misterios, Trisagio tan Toksoan.”
“Say asumpalay gagaween ko natan sirin say pangibabangat kod saray ugugaw a manmaliw a loro ya akamayamay so patlep dan dadalatdaten ya anggapoy natatalusan dan anggan saksakey a salita. Dakel lad sikaray patlep daray Misterios tan say Trisagio, say kapagpagaan ko balet so anggapo lay nagawaan ko no nasabi mi Toksoan nen P. Astete, ta karaklan ed saray babangatan ko agda nibiig so tepet ed ebat tan agda met natalusay ibabaga ranian dua. Sikato layan panagbilay so pateyan tayo, tan ontan da met na manontumbok
(1) Togiop day papari.
(2) Sakey ed saray lugan na ganggay Ari na Diciembre 20, 1863 ya ya inggangan to ya say “Catecismo de la Doctrina Cristiana” ya gaway Gaspar Astete sikatoy ikanan aralan cd saray klasi primaria ed Pilipinas.
