This page has been validated.
Iran iyanak; dia balet ed Europa say sasalitaen say
bolaslas!”
“Ag met manepeg a say banday makapoy labat so nanengneng!” kuanen Ibarran inmalagey. “Binagaan ak nen teniente mayor ya ondagop ed singbatan nabuas a nagawad Tribunal; ompano ditan lay pakaawatan yoy ebat ed saratay tepet yo.”
Inmalagey met si maistro tan manpeyeng a tanday panduaruwa, tan inmebat na onia:
“Nanengneng yo lad tan a satay kanunotan dan asalita rad siak et anggapo lan lamang so kasumpalan to ya singa inkagawa ray dilin kanunotan ko! Awey balet kasi, nengnengen la naani!”
