Sakey a salas a labinlimay mitroy dukey tan walora ono samploray benlag. Saray dingding to ya pinintaay ampotin dena napno ray nambabangil a dibujon inggulis na uring ya aliwaliwa ono mabanbanday, ya walan akasulat ed lepsab day kabaliksan da. Diad sakey a sukong tan inpapasaral a nandarasig ed dingding, wala ran nanengneng so samplora angankon pusil a daan a nisaletsalet ed kampilan iran kalalati, ya wala ray andukey walaray antikey, tan barabarang: sikarayay armas day cuadrilleros.(2)
Diad sakey a sampot na salas a pinaparakep na
maringdingot iran kortina ya ambalanga, wadman ya
insabit ed dingding so ritratoy Ari: diad lepsab ton
may ritrato nanengneng ya impatoon ed intabladon
abeba, so sakey a yurongan a baleg a napapaktak laray
lima ono benbenan to; diad arap tonian yurongan walay sakey a lamisaan a kiew ya amanmansaay tinta,
atarektarek, tan wadman ya insusukit so salsalita, ngaran tan apelyidon nantetekep a singa saray dakel a na
nengneng a lamisaan ed tindaan iran inomay alak ed
__________
(1) Presidencia odino Municipal Building ed English.
(2) Sikarayay polis bilang nen tiempoy kastila. Oniay impangisalaysay nen sumusulat a kastila ya W. E. Retana ya insulat ed kopiay El Filibuterismo nen Ventura F. Lopez (Madrid, 1893): Guardia rad municipio ya say dakel a kakanaan da et diad paway na baley. Say unipormi ra makapasegsegang; kasalisali ra; akakabayo ra ya sankabenbenan day rienday kabayo ed lima ran kawanan tan sakey a pika ed kawigi. Anggapoy kana ra ono nagagawan da, balet ta manepeg met ya akoen ya anggapo met so napapaunong da ono gagawaen dan aliwa. Anggapoy amta ran balot ya nipaakar ed aaraley sondalo, tan saray armas da dagdaan, maong labat no saray pusil da et ontanol ira ono onpaltog iran maminsan ed pangablit dan maminlasus; saray arum nin armas da barang, talibong, kampilan ira ya daan, etc., etc. Singa kabaliksan day polis ya aligalig. Say naalan cuadrillero mansirbin taloy taon ya anggapoy sueldo, balet ta kaleganan to nia ag manbayar na buis tan nilikod met ed abligasion a pankimey na inbilang ya agew ed bengat lan pakimeyay Uley.
