Alemania, ya mabetbet a pandaragupan day manaaral.
Saray arum diman a kagawaan, pigaran banko tan
yurongan iran nagagaygay.
Sikatoyay salas na tribunal ya onkakanan panagtogiopan, panagokuman, panagpairapan, tan arum niran pamaakaran, a nandaragupan dan pansisimbatan ed sayan agew na mamakauley ed baley tan saray barrio. Say polok day mamatatken ag milalaok ed polok day tubonbalo, tan sakey tan sakey ag ira maniiteray punget: samay akaona ilalaman toy togiop day ag maabuloy ed bengat lan pangoman na gendat lan naugaliyan tan tatawagey partido conservador, tan sayay unor. say togiop day malokak ono maabuloy a mangakoy balo tan maabig iran kanunotan tan ingangaray partido liberal, salambengat ta diad saray binaleybaley ampetang so panlalabanan da.
“Makakainap ak lad sayay Kapitan!” kuay Don Filipino ya panguloy partido liberal, ed saray kakaaro to. ‘Talagan imparaan to lan nanlapod gapoy gaween to ta akin et inalagar tod sankaonoran so pantotungtong ya nipaakar ed gastos. Nengneng yo pa, lablabinsakey agew lay kera anggad pista.
“Insan atilak nid mad konbinto ya mimiunteng ed kura, ta saya et agmakayari!” kuay sakey ed saramay tubonbalo.
“Andibali!” kuay sakey a inmebat; “ta imparaan ti met lan amin so gaween tayo! Dapot no say kanu notan day mamatatken et agto naalay karaklan a botos.......... ”
“Andi anganko!” kuanen Don Filipo; “siak so mangiparungtal na kanunotan day mamatatken. ...”
“Panon? Antoy kuanyo?” kuanday mandengdengel ed sikaton nikelawan.
“Say kuanko so no siak so makaonan mansalita iparungtal koy kanunotan day katagam tayo.”
“Say kanunotan tayo balet ey?”
“Sikayoy akauley a mangiparungtal balet,” kuanen tenienten inmebat a makakaimis, ya inmarap ed sakey
