a tubonbalon cabeza de barangay,(1) say pansalita yo no atalo ak la.”
"Agmi kayo natalusan, mama!” kuanda ranmay kasalita to ya nengnengnengen dan napno ray duaruwa. “Dengel yo!” kuanen Don Filipon inesaes ed duara ono talorad saramay ondedengel ed sikato. “Sayan kabuasan arumog koy masiken Tasio.”
“Eh.....akin ey?”
“Niay kuanen masiken ed siak ay: ‘Saray katagam yo mas ni pamobusol dad inkasikayon dili nen saray kanunotan yo. Labayon ag nagaway anggan anton bengat la? Igapo yo, ta nengneng yo no anggano mas makana nen say mitra(2) agda akoen ono abubonan. No tinalo da kila, paiparungtal yo tay labayon nagawa ed satay sanka selekan lan toon wadtan tan saratay mamobusol ed sikayo pilaan da piano napaabeba da kayo labat Balet ta agyo ya ipapalikas.”
“Kien balet. . . . .”
“Kanianti ya iparungtal koy kanunotan day kata gam tayo ya laboran kon lablabasan pian manmaliw a makapalpalek- Ag kayo malmol! Nia lay sinyor Ibarra tan si maistroy eskuila.”
Sarayan duan sinmabi inlugay day biek tan biek a polok, balet ta ag ira ikibibiang ed tungtongan.
Nagogunoyan ed say a sinmabi kapitan ya manges so ulo to; saya may anengneng tilan too ya nanawit na akamayamay a kandila. Kaloob to tinmonday tungtongan, sakey tan sakey inmirong tan nankalkalnan narep ya ami tanol.
Inyurong nen kapitan ed samay yurongan a
baleg ed leksab na ritratoy Ari, inmokok ya amipat
ono aminlima, inaplos toy ulo to tan lupa to, inggaton
__________
(1) Pangulo na limamplo ono anemaplo ya boleg a manbabayar iray buis ed Uley, a sikatoy mansisingil a mantitipon. Say talus na salitan Ba~ rangay ed Malaya, baluto ya say inap so sikatoy nansakayan day inmonaona ran totoon inmarap dian sinmagen ed Pilipinas. Kanian nen inmona say talus na cabeza na barangay, pangulo na sakey ono pigaran boleg. Nen inmona sayan kargo pantatawarin, balet ta diad panaakar na panaon nanmaliw lan pipilien iray mangeegna ya tinaon. Say cabeza na barangay nepeg toy manayam ed barrio ono lansangan a kawalaan day ipapangulo toran boleg, ya asikasoen toy kareenan da, abig na pantatalusan da, tan apagen to met ed sikara so kimey iran nakaukolan a pantotulongan da. Sikato say asawa to, tan anak ton pangoloan likod iran ag manbabayar na buis. Say ngaray cabeza de barangay ed salitay pangasinan, Anakbanwa. kanian sikato laya sirin so ngaran ya ikana ed mantumbok iran egpang tonian uliran.
(2) Sombriro ray obispos tan arzobispos.
