toray duan siko tod lamisaan. inepas to ra, inmokok lamet tan ontan ya aminniga.....
“Kagalgalang kora!” kuanto nen akasalita ed bosis a makalkalna: “namnatalek ak ya amadagop ed sikayo ed sayan singbatan. . . ehem ! ehem ! . . . Palabasen tayoy pistay patron tin San Diego no k-12 ed sayan bulan. . . . ehem! ehem!.....k-2 la natan.....ehem; ehem!”
Nanokok diay pinaspasia na okok ya anawnawet tan amagamaga ya agto nituloy so pansasalita to.
Inmalagey ed satan dimad bankon kawalaan day mamatatken so lakin sakey ya apataploy taon to ya nengneng toy ag mangitaltalek. Sikatoyay Kapitan Basilion mayaman, ya kaarap tod sakey ya asunto ed juzgado nen Don Rafael aman, sakey a toon diad pakaisip to et agni kinmorang ono binmolaslas so mundo nanlapod impatey nen Sto. Tomas de Aquino, tan nanlapo met ed dilin intonda ton nanaral ed kolegioy S. Juan de Letran(I) et manpapasuner so talbay katoowan.
“Kagalang kora, abuloyan yo ak pan mansalita nipaakar ed sakey a pamaakaran a napnoy kabaliksan,” kuanto. “Onona ak a mansalita anggaman dakel niray mas makankanepegan ed saray wadian akaarap, et yogonak ta diad magter kon pakatalus, no onia ran kipapasen say ononan mansalita aliwan kabaliksan toy sikatoy manonaan, tan ontan met a say naonor et agto talus so sikatoy sankasaginonoran. Sakey ni, saray bengat lan salitaen ko ontan lay tagey na kakanaan da ya ag ira nayarin ipaleen odino yalagar ed unor, kanian labay ko komoy mansalitad gapd pian niiter so
belat dan kanepegan. Abuloyan yo ak pa sirin ya ono
nan mansalita ed sayan togiop ya anggaman wadia ran
akaarap so ankabli ran totoo ya singa di kagalang a
Kapitan a peles, di Kapitan a nanpaso, pinablin kaarok a kasiporan a nanlapod inkaugaw mi, Don Julio ya
ontan met a nankapitan, di Don Melchor a nibantog a
Kapitan day cuadrilleros, tan arum nira, ya diad kakulangay tiempo et agko lara nabitla, balet ta nanengneng yon wadia met iran akaarap. Pikasik pa sirin ed
kablian yo ra, ya abuloyan yo ak a mansalita kasakbayan day arum. Mapalar ak kasin makagamor nian mag
ter a kerew ko?”
__________
(1) Colegio ya ikukurang day paparin Dominiko.
