ituloy so ibabaga to.....ta nanokok lamet tan maninituloy so ibabaga to ngas.
Singa natalusan ed keneng ya anggapoy malabay a patawag na sakey ed saramay patres conscripti, tan anggapoy onalagey. Sinambot nen Don Filipod sayay inmalagey a kinerew toy mansalita.
Saramay conservador nankikindatan tan mansisinyasan ira, a singa ra bilang mantatalusan.
“Iparungtal kod sikayo, kagalgalang koran wadian akaarap, so impangidatak koy gastos ed palabasen tayon pista!” kuay Don Filipo.
“Agmi nayarin akoen!” kuay inebat a tampol na sakey a masiken ya etikado ya malet a conservador.
“Agmi tan botosan!” kuandan aparparay arum iran katagam to.
“Kagalgalang koran wadia!” kuay Don Filipo lamet a pinokpokan toy pakaimis to; “agko ni nisalaysay so kanunotan min tubonbalo ya awit mi dia. Anggapoy duaruwa mi ya sayan kanunotan et nalabi nen say anggan anto nin kanunotan day kaarap mi.”
Sayan nagnagnap na pasirayew ya impangigapd, lalon apapetang toy uld daran may conservador a sinambaan dan in corde(1) ya ipaawet dan sumpaen. Si Don Filipo intuloy toy onia:
“Say presupuesto tayo P3,500.00. Diad sayan kuarta nayarian tayon gaweey sakey a pista ya palakbatan ton ami apalpalabas laran pistan anggad natan, diad luyag tayo may diad kabkaabay to ra!”
“Hmhn!” kuanda ranmay ag manisia. “Si baley na ‘A’ walay P5,000.00 to, si ‘B’ walay P4,000.00. Hmhn! Lastog!”
“Dengel yo ak pian manisia kayo,” kuanen Don Filipon andi pagpaga to. “Say labay kon ipanon ed sikayo so mamaalagey itayoy sakey a baleg a panangipawayay sarsuila ed plasa ya manbili P150.00!”
“Kulang so P150.00, nakaukolay P160.00!” kuay sakey ya anawet a conservador.
“Ikurit yo, kagalang a Director, P200.00 ya iganan
pamaalagey na pangipawayay sarsuila!” kuanen Don
Filipo. “Labay ko met ya iparungtal a manepeg a kontrataen tayoy komidiad Tondo ya mangipaway a pitoy
__________
(1) Diad puso ra.
