“Anto bilang so gaween tayod apatiran hennano
mayor ey?” kuanen masiken ya intuloy. “Antoy kakanaan daran tay ngananganak, akamayamay a kapon tan
dakerakel a litson ya ibantak tayod libsong ey? ‘Lastog’
kuanday kaabay tayo ran balbaley; insan kayari tayon
manbantak manayunal itayo balet lagin anem bulan!
Anto tay pibibiangan tayod satay Sila tan saray Roma
nos? Binagaan da iti talad punsia ran anggan kapigan? Siak layan inkamasiken ko agak ni abagaan ni
aminsan!”
"Saray Romanos wala rad Roma, dimad kawalaay Papa!" kuanen Kapitan Basilion inesaes.
“Kanianti manaya!” kuanen masiken ya amagamaga. "Manpista ra angankoy vigilia ya ag nayari mangay asalian, kanian paibantak nen Papay tadia rad dayat pian ag ira mankasalanan. Et anggano anto ni tan, satay kanunotan yo ag nayari, sakey a kalokoan! ”
Anggapoy nagawaan nen Don Filipo ed karakel na sinmungpad sikato apasout ya insunei’ toy kanunotan ya inparungtal to.
Saramay inmawet a conservador diad liket dad inkataloy sankakabusolan dan too, anggapo lan balot so pagpaga ra ed impakanengneng dan inmalagey so sakey a tubonbalon anakbanwa a kinerew toy mansalita.
“Kerewen kod sikayoy pangitepel yod siak no diad onian kalangueran ko et ontalek ak a mansalita ed arap day ankabli ran totoo ya gagalangen nisesengeg ed,' aliwan bukor lambengat ed taon da no ag ontan met ed bembey linawa ra tan matudion pakatalus dad anggan anton bengat lan salsalitaen; et bangta si nababalita ya managtalumpati ya Kapitan Basilio et binagaan to itayon amin a mangiparungtal na walad kanunotan tayo, onkana pa sirin so seselengen a salita to ya mangiter na pangitepel yoy kinamelag kon ontalindeg ed arap yon mansalita.”
Saramay ulop a conservador tangertanger iran tanday impakapakna ray ibabaga to.
"Maong so pananalita tonian ugaw!" — "Aliwan mapasirayew!” — “Marakep so panagkatunogan to!” kuandan mansasalita.
“Kawkawanan lan agto amtay mangaksion!” kua nen Kapitan Basilio. “Panon tan, agto met lanto inaral si Ciceron insan ugaw met ni.”
