‘‘No iparungtal kod sikayoy sakey a kanunotan, aliwan kabaliksan toy isisipen kon nagnap ed kaabigan ono
akoen yo; labay kon ipasakbay ya ontulok ak lawas ed
napaabig yon amin, tan labay ko met ya ipanengneng
ed saray mamatatken a sikamin tubonbalo et andi dumay panagnunot mid sikara ya didilien mi ray kanur.otan ya insalaysay nen Kapitan Basilio ed marandanet
tan marakep ya inkasalita.”
“Maong a inkasalita! Maong a inkasalita!” kuan da ranmay ulop na conservador a makakaliket. Si Kapitan Basilio isisinyas tod samay tubonbalo no panoy pangiandawes tod lima to tan pangilira toray sail to. Bukbukor nen kapitan so wadman a singa anggapoy walad sikatod anggan anton onlalabas, ya aiding toy sananey so kawalaay kanunotan to, odind nunot toy nagugulo ya no tungtongey tua nengneng to yan dua. Samay tubonbalo intuloy toy pansasalita to ya apabiskeg toy linawa to:
“Say kanunotan ko, kagalgalang koran wadia, niaay ed antikey a salita: mangipaway itayoy balo ran nenengnengen a duma ed saray naugaliyan tan gendat lan nanenengneng ya inagewagew tan gaween tayo met komoy anggaay nayarian tayo pian say kuartan natogiop et ag ompaway ed baley tayo, tan ag tayo met dardaraken ya igastos ed pulbora no agta ipaarap komon ed pamaakaran ya walay kikana tod amin a too.”
"Satan! Satan!” kuanday tubonbalo ya inabobonan. “Sikato tay labay mi!”
"Sankaabigan a kanunotan! kuanda met na mamatatken.
“Antoy naala tayod sakey simban nilabilabin komidia ya kekerewen nen teniente mayor ey? Antoy naaral tayod saratay Arari ya taga Bohemia tan Granada ya paputolan daray anak dan bibii, odino paiseksek darad kanyon insan manmaliw a trono may kanyon? Aliwa itayon arari, aliwa itayo met a totoon ag akaaral ono ag akanengneng na liwawa, ono anggapoy inkabangat; anggapo met so kanyon tayo, tan no aligen tayo ra, ibitay da itayod Bagumbayan. Anto bilang so kabaliksan dad sikatayo ran tay piprinsisan walad utel na bakal, ya mangolkolorong iran sigbat dia duyok diman so gagaween da, ya kabakal daray piprinsipe, tan liwagliwag irad katakelan tan kapalandeyan a singa ra ara-
