kep na Tikbalang? Diad ugalin abangonan tayo gagalangen tan papablien tayoy matamoy tan maulimek a
kagagawa tan kagagalaw day bibii, ta isipen kon mapaga itayo angankon mamenben na limay sakey a biin
amansaay dala ya anggano say akandala et moro ni
odino alan, ya amta lan kabusol tayo raya; ontan met a
balbalawen tayo tan ipapasen tayon sankaugsan so sa
key a lakin mangitagey na lima tod sakey a bii, ya anggan antoy kipapasen to, prinsipi may alferez. odino
taga uman tomatalon. Agni kasi maminlibon mas maong ya say ipaway tayon ayayam et say mangiparungtal na ugali tayon dili ta piano no wala ray kukulangan
tayo et nauman tira tan nidayew ti met iray kagagawan
nepeg ya idadayew?”
“Satan! Satan!” kuanday kakaulop to.
“Walay katonungan to!” kuandan inmeremerey mamatatken ya nengneng day mannonunot.
“Agko nitan a balot anunotan!” kuanen Kapitan Basilio ed abeban bosis to.
“Panoy panggawa yon tan balet ey?” kuanton ti nepet nimay sankaawetan a conservador a masiken.
“Ay, maininumay!” kuay ebat nen tubonbalo. “Wadian awit koy duaran ayayam ya diad pikakabat tilay
abig na panagpili tan matudidn pakaisip day gagala.ngen tiran mamatatken ya wadia natan, agko panduaruwaan a napaknaan dara anganko tan akoen dan makapalikliket iran panpalabasay oras. Say ngaray sakey
‘Say Panamili ed Gobernadorcillo’; sakey ya ayayam
ya aliwan inbirso, ginawa ed limaran akto ya insulat na
sakey ed saray wadia natan. Say sakey ginawa ed
siamiran akto pian suston ipaway a duay labi, sakeyan
ayayam ya anggaman singa labat walad ilalam, tekep
to balet so sankakanaan a gagala, mangiparungtal tan
konwarin mamalaw na makapoy iran ugali pian komon
sikaray napasimbalon napaabig, a saya insulat na sakey
ed saray sankaabigan ya omaalong ed sayan luyag, tan
say ngaran to Marian Makiling.(1) Maniapod mapagpaga kamin onkulang lay panaon a pangipasal, ta asinsingger la lanti pista et agtini atogiop so maong a gaween,
andi eseesel, nanaanap kami la na saray ompaway tan
_________
(1) Say palandey na Makiling sakey a bolkan ya walad bandad abalaten na Laguna de Bay. Dimad lepsab toy kawalaay baley na Kalamba ya nianakan nen Rizal. Akamayamay iray tagaomen nipapaakar ed sayan palandey a say bilay a bii lawas et sakey ya inkantada ya manngaray Marian Makiling..
