impaipatlep mi lad sikaray betangbetang da, agla piga
no isisipen yon makanay kanunotan mi, et akoen yo
bilang. Lapod saya, balbaleg so ilalo min masulosulok
lay sakey simban panpasal da ed ipaway dan anggapoy
gansal. Saya, kagalang koran wadia, aliwa labat lan
balon nanengneng, no agta makana met tan makatunongan; sakey ni ag itila nagastosan ed kawes ta say iso
long day ompaway saray kawes dan dili ya naugaliyan.”
“Gastos koy pangipawayan! ” kuanen Kapitan Ba silio ya napnoy liket na linawa.
“No wala ray ompaway a cuadrilleros ipabayes koray cuadrilleros ko!” kuanton may Kapitan day cuadrilleros.
“Siak met.....siak met....no nakaukolan yoy ompaway a masiken.....” kuay sakey a matatken a nannetek ya inmalagey.
"Satan lay gaween! Satan la!” kuay nandiringan a bosis.
Si teniente mayor amespesiaw so lupa to ed panpokal na pagew to, tan agto apokpokay luan tinmerter ed saray mata to.
"Manakis ed irap na linawa to!” kuay sakey a conservador ed nunot to, insan kuanton inkasikasil: "Sikato latay gaween, agla nakaukolay salitaan!” Insan, diad liket na linawa tod impakabales to tan say inkatalon aminpinsan na katagam to, ginapoan ton indayew lan indayew imay kanunotan ya inparungtal ton may tubonbalo.
Saya intuloy ton nankuan:
“Say kakalima ed kuartan natogiop nayarian tayon isaliw iray upa ono premio ya iter bilang ed sankaabigan a ugaw ed eskuilaan, sankaabigan a pumapastol, tomatalon, sumisigay, etc. Nayarian tayo met so manggaway lombay kabayo, mangipaalagey na makmaktek a kawayan a pinoyokay larak ono ginosgosay sabon ya angibitinay kakanen ed toktok, a nagamoray makakalab a makasabi, tan arum niran galagalaw a nayarian dan pilaan iray taga uma. Amtak ta diad inkipasal la et nakaukolan a mangala iti met na koitis, singa bilang da]ig ya apuy a mantetlek odino apuy a nambabangil a kolor ya onbuskag ed tagey, ta makaiba met irayan mamarakep na labi, balet ta isip kon ag nakaukolan iray bom ba ya labay di teniente mayor. Say duaran banday mu-
