siko masulosulok Jan mamasayaksak na pista; diad Sa
tan ag iti la mangala ray musiko ed arum a baley pian
anggapo lay dakel a kolkolan tan siblangan, ta mabetbet lan nanenengneng a saray musikon ondagop dian
mamaliket na pista et nasusumpalan day singa manbubulang a manok ya ompawil iran kulang so kinan da,
kulang so bayar da tan abukolbukolan tan sugatan nira ingen no arum. Say nasulokan tayon kuarta nayarian tayon pangigapon pangipaalagey na melag ya eskuilaan ta ag tayo met la alagden ya onakseb so Dios ya
ipaalageyan to itayo; sakey ni makapaermen ya anta
walay bulangan tayon marakerakep, say panaaralan day
uexigaw balet dia lawarid ayamay kabayo nen kura.
Sikatoy kanunotan ko. Natan, wala lad sikatayon amin
so pangapigei- tan pamaabig.”
Masaysayaksak so narerengel a tungtongan ed salas ta amin lawarin wadman maabobon ed samay tubonbalo. Wala labat iray pigaran manmemeremerey onia: "Balo ran kanunotan! Duma ran gawa! Nen ugugaw kami ni......... ”
“Akoen tila natan!” kuanda ray arum, “ta piano napatewek tayo man ay.”
Ya ituro ray teniente mayor.
Nen pinmawil so kareenan aparpara laran apasakey so kanunotan da. Kulang labat lay yabubon nen kapitan.
Saya manlinglinget, ag makareen ed yurongan to, aplos lan aplos na muling to, tan inkuanton nagagaga ya osdong iray mata to:
“Maabobon ak met ed satan a kanunotan .... balet . . . . ehem!”
Amin a wadman ontatalineng ya andi kitakitaw.
“Balet, anto?” kuay Kapitan Basilion tinmepet.
“Maabobon ak!” kuanton inulit. “Say labay kon ibaga .... aliwa ak a maabobon .... ay, maabobon ak......... balet....."
Tan nilirlir toray mata toy beneg na lima to. “Balet ta si kura,” kuanton intuloy ya aseldet; “si pari kura sananey so labay to.”
“Si kuray manggagastos ed sayan pista ono sikatayo? Angiter na anggano saksakey ya ikapat?” kuay sakey a bosis a matoibot .
