Linmingaw iran amin ed nanlapoan da raman a
tepet, tan wadmay makabat a masiken Tasio.
“Antoy labay nen kura ey?” kuanen Kapitan Ba silion tinepet.
“Say labay nen pari kura anemiran libot, taloran sirmon, taloran misa kantada tan no walay nasusulokan a kuarta, alaey komidiay Tondo ya isaletsalet so kantaan.”
“Agmi tan labay balet!” kuanda ray tubonbalo tan arum met a mamatatken.
“Sikatoy labay nen pari kura!” kuanen kapitan linnet. “Tan insipan kod sikato ya say labay toy nagawa. ”
"Anta ontan manaya, akin et tinawag yo kami dia sirin ey?”
“Sikato lanti anawagan kod sikayo say pangibagak nia!”
“Eh akit agyo la inbagan tampol ey?”
“Labay ko met a ibagan tampol et nansalita met si Kapitan Basilio, agak akasalet. . . . Nakaukolan ya tuloken tayoy kura!”
“Sian tua, nakaukolan a tuloken tayo!” kuanday amin a mamasiken.
“On, nakaukolay ontulok ta no andi paiperiso to itayon amin nen Alcalde!” kuanda met a napnoy ermen iramay arum nin mamasiken.
“No ontan, tulok kayo sirin tan sikatoy manggawan tay pista!” kuanda ranmay tubonbalo ya nandiringan ya inmalagey. “Isuner mi usos mi.”
“Asingilan amin!” kuanen kapitan.
Sininggeran nen Don Filipo tan inkuan tod mapalalon irap na linawa to:
"Imbagat koy panamablik ed inkasiak a dili pian labat nasumpal so sakey a maabig a pamaakaran; im bagat yo balet so kagalangay inkalaki yo pian nituloy so sakey ya aliwan makana, tan dineral yon binagbag ya amin.”
Kasakbayan ya onalis si Ibarra inarap tod samay iba ton maistro a nankuan: “Walay ibilin yo kapital na luyag? Ompikal ak natan a tuloy.”
