- Andaba incierto — volaba errante,
- Un solo instante — sin descansar...(1)
- (Alaejos)
Manbagtik si Sisa ya onaarap ed abong to ya uld toy singa bakol, ya unong na nagawad anggan siopad sikatayo na diad utel na kaatapan tan kasegsegangan et andi amta tayon piregan, tan naandian itayoy ilalo. Diad satan, singa itayo alimbds na kabilongetan, tan no walay napaaninagan tayod arawrawi ya anggan melamelag a liwawa, diman itayo onarap ya aboten tayon pilit anggaman walad dalan tayoy sankaaralman a lipnok.
Sakey ya inan labay toran yagel so anak to, ya panon? No nipaakar ed pangiagel ed saray ilalak saray kainaan ag lara ontetepet no panoy maong a pamasbangan da.
Manbagtik a singa papayakan ya aliling toy ousilay takut tan ambilunget iran alem na linawa. Narel dala kasin imperisoy anak ton Basilio? Iner so abatik nen anak ton Crispin balet ey?
Nen asingger lad abong anengneng toy toktok na
sombriro ray sondalo ya linmongdaw ed tagey na koral.
Ag nabaliksanan no anto ray liknaan a dinmalan ed puso
to. Alingoanan ton amin. Sikakabat a peteg ed talek
tan pasang da ranman a totoo ya agda ra seselengen so
anggan saray sankayamanan ed baley; anto la kasi gaween dad sikato tan saray anak to ya napapalsaan iran
nantakew? Saray Guardia Civil aliwa ran totoo, Guar
dia Civil ira labat: ag ira natenyeg na anggan anton
pikakasi, ag ira napalemek na anggan anton pait na
nangis.
__________
(1) Palaran a manaakar, mantektekiab a bekta, andin painawan bengat.
