Sinmabi panangasi daran may sondalo, tan nansalita ran duan makalna.
“Dali!” kuanton may sakey; “manlapo dian anggad baley, dia kad pegley mi ompano ombatik ka. Kasabi tayod baley nayarian moy unonay sakey a duamplon kondang; balet ta akauley ka! Agka ontotubongtubong ed tintindaan tan agka ontotuntonda. Kurang kala, tan apuram!”
Anggapoy kabaliksan day pikakasi to, saray inpankatunongan to, saray sipasipan to. Say ebat daran may sondalo so balbaleg lay pipalaran da, tan masulosulok lay yaabuloy dad sikato.
Nen kanengneng ton pineglay daran may duaran sondalo, ngalngalin ompatey ed kababaingan to. Tua ta anggapoy nanaabet da, et sabalet so dagem, say liwaway agew ey? Say matuan kasimpitan singa makakanengneng na matad amin a sukong. Insakbong toy panyo tod lupa to tan manaakar ya agto nanenengneng so dadalanen to ya pannangnangisan tod kabukoran toy onman Jan inkipaunong to. Sikakabat ed kipapasen ton masegsegang; amta ton petepeteg ya anggapoy manga antabay ed sikato, ya pinauliay pati dili ton asawa, ba let ta anggad natan inpasen ton! inkasikaton sigagalang tan papablien day arum; anggad natan lawas toran ninengneng a napnoy panangasi ramay bibiin panagkawes day makapakasalanan a tatawagen iray baley na kusiang day susondalo. Natan balet, diad isip ton dili singa la saginunor ed sikaray kipapasen tod bilay.
Dengdengelen so akar day kabayo: totoo ran mangiakar na sira ed aragdawi ran baley. Naugaliyan dayan gawa, lalaki, bibii ya manoulop iran manbaroy ya akakabayo ono akasimpo rad angkabeng iran kabayo ya angipasakbatan daray babako ran ankakabaleg ya angiluganay sira. Rabat toy arum ed sikara ta wala ray isamar dad mad alulong ton miinom, a no arum itdan da ni pigaran sira. Nen nalagsanan da natan say pakaisip to singa ra tatalaposen a gagatinan, tan singa to naliliknay mata ran ontatalus ed panyo to tan susogaten day lupa to ed pannenengneng dad sikaton, kaskasian da ono anggapoy walad sikara.
Akaarawin siansia raman a totoo tan akalinaway Sisa. Impaliis toy daiset so panyo ton pannengnengan to na arawi nirad baley. Wala ni pigaran lusek na telegrafo kasakbayay pakasabi rad bantayan ono garita.
