Diad saman ginmapoy kalangakang day kampana
ya pakapatnagay mKasumpal na misa mayor. Siniglatan nen Sisay akar to tapian komon nalegiasan to laray totoon ompapaway ed simbaan. Et agay met la, ta
sustosuston nasabat toran nasabat! Inbano toran akaimis na ampaipait so duaran kabat ton bibii ya sankanengneng dan singa ra tetepetan, tan piano napaliisan
to lay mantumbok iran masakit a liknaen, intewek to
lan inusdong iray mata tod dalin, et alay makapakelaw!
ta natatalapos to niran siansia ray batobatod dalan.
Mantonda ray totoon makakanengneng ed sikato, tan mantotungtong iran tomtumboken day mata: amin iraya nanenengneng to, tan nalilikna to, ya anggaman akaosdong iray mata ton lanang.
Nangel toy ambasabasan bosis na bii ed beneg to ya manetepet a maningal:
“Inei' so akarelan yod sikato? Say kuarta ey?”
Say mansasalita sakey a biin nansayasuelta ono ag nantapis/1’ nansapey na gulisay duyaw tan malabuyong a nansaletsalet tan nanaysing na sinamay ya inanagan; sankapatnagan lad kawes to ya kusiang na sondalo.
Singa tinampal si Sisa; samay bii singa inparungtal ton impamuriay kababaingan tod karaklan. Intangua toray mata to, pian naako to lad tan ya aminpinsan so balaw tan panmurmura; et say pakanengneng tod saray totoo singa ra arawrawi, bangbalet ta sankalikna tonin siansiay betel na kanenengneng da tan narerengel toy opitan da. Manaakar a singa ag ondadapoy sali to rad dalin.
“Hoy! diad banda dial” kuay sakey a guardian inmingal.
Aliling na tootoon kinuirdasan ya apoltot so kuirdas to, pinmigar a bigla tan laram ya andi nunotan a
batik a say labay to labat so onamot; anengneng toy sa
key a pinto ya walay akaalagey a bantay tan diman
ontotubong, et akatonda nen iningalay sakey a bosis a
maksil ni lamet nen samay akaona. Nankalkalnan inmarap ed nanlapuan ton may bosis, alikas ton itutolak
dad beneg, inlikdem to, kinmorang na pigara tan diad
kapoy to nipatalimokor, insan la nipayurong, tan diman
__________
(1) Nen saman a panaon saray bibiin Pilipina ag ira manbibistido ya singa natan. Akasapey tan akatapis ira ya say tapis singa pakapatnagay deen, simpit tan binta.
