maninget so pagew ton mansibsibek ya anggapoy iua
ton onterter.
Sikatomay ayaman day sondalo ya tatawagey kuartel. Wadman iran nanlalaok so susondalo, bibii, babobaboy tan ngananganak. Wala ray sondalon mandarait na kawes da ya akadangan irad ulpo ra so bibii ran mandukdukol ed banko ya manabtabako ono akatangay labat ed tagey. Saray arum a bibii iibaan dara may lalakin manpepesak odino manlilinis na armas, a mangankanta rad abeban bosis na kansion iran marurotak.
“Akabatik ira amoy siwsiw, akin et nganak labat so awit yo!” kuay sakey a bii ed saramay sinmabi. Ag amta no si Sisay labay ton ibaga odino samay awit dan nganak ya agni tinmondan mankiak.
"Maong nin siansiay nganak nen saray siwsiw!” kuanton inebatay salita ton dili nen ag onesel iramay sondalo.
"Iner tay kawalaan nen sargento?” kuanton tinepet nimay sakey a guardia civil a manges so ulo to. “Wala lay angipakabat ed alferez?”
Anggapoy inmebat no agta sinintak da labat so abala daran may wadman; ta anggapo may malabay a nasagpot a mangamta no antoy kisabian ton man a masegsegang a bii.
Duay oras tod man a singa agto amtay nagagawa ono onlalabas; wadman ya akakukot ed sakey a sukcng, akasanib so ulo tod sanduan lima to, tan buek toy abuskag ya agulogulo. Akabatan nen alferez nen otiagew tan say inmonan ginawa to say agto panisia ed dalem nen kura.
“Ha! Kalokoan ton tay maigot a pari!” kuanto tan ingganggan ton ibulos da, tan ontan met ya anggapo lay mangasikaso ed saman a pamaakaran.
“No labay ton naalmo tay abalang to,” kuanton intuloy; “akauley ditan a mankerew ed San Antonio(1) odino mandalem diman ed Nuncio!”(2) Ibulos yo!”
Lapod saya pinapaway day Sisad pangawan ya akaukolan ya intutulaktolak da ta agto labay so onggalaw.
Nen wadman lad pegley na lansangan amaarap ed
abong to ya singa ag mannonunot; manaakar a masig—
__________
(1) San Antonio de Padua, ya patroy amin a nabalang.
(2) Say pinagkalamay Santo Papa. Sakey nin labay ton ibagad saya so agto sisiaey dalem nen kura.
