siglat, anggapoy anggan anton sakbong na ulo to, agulgol so buek to, tan apasakey so mata tod mad anggaay
naabot na pakanengneng a singa nanabetay tawen tan
dalin. Walad toktuktok so agew tan anggapoy ni melamelag a lui'em a makasanib ed kaptangay sindag to;
ngalngalin anggapoy ongalaw a bulong day kakiyewan,
say dalan naklangan, tan anggapoy anggan sakey a manok a ontalek ya ompaway ed pansirsiruman ton sangay
kiew.
Akasabin siansiay Sisad mad alulong to. Tinmubong ya andi esel; niliberliber to, pinmaway tan nanakar a nambabangil so naaraparap to. Batik ed abong nen masiken Tasio, tinmoktok tan mantawag ed pinto et andidman si masiken. Saman a masegsegang a bii pinmawil lamet dimad alulong to tan ginapoan toy maneyag a mantawag ed saray anak to: “Basilio!” “Crispin!” insan ontunda ya mantaltalineng. Say anyiweng na bosis to, say matamoy a panesesaes na danum ya onaagos ed kaabay ya ilog, say makalkalnan wasiwas na bulong day kakawayanan, — sikaraya labat so walan narerengel ed kabukoran dan man a katakelan. Diad satan ontawag lamet, ontatdang ed sakey a pukdol, onlasor ed sakey a kelas, onepas ya anggad mad ilog; mantetlek iray mata ton makapataktakut so kanenengneng da, mandarlang ira met no arum, insan bigla ran ombilunget a singa deket na tawen no labi ya bagyo: nayarin ibagan singa manbiglan mankidkidiam so silew na kalakal to ya asingger Ian naerep.
Pinmawil lamet a sinmegep dimad alulong ya inyurong tod mad ikamen a dinukolan nen Basilio nen labin imbeneg, tinmangay tan anengneng toy melag ya apinglis ed aysing nen Basilio ya asagor ed tagey ton may dingding a banda ed kelas. Inmalagey, ginawat to, tan ninengneng ton maong ed liwaway agew: samay lagas amanmansaay dala. Si Sisa balet singa agto naimano ramay mansa, akin et inmakseb tan intatagey ton impapaaninag ed sankapetangan a liwaway agew; insan to sineleng so agew a makmaktek ya inmulmolagat toray mata to ya singa bilang ombibilunget so pakaneng neng to ya onkukulang na liwawa.
Nanliwagliwag nid biek tan biek a maneyag no arum, tan no arum mantagtagloong na sansananey iran tanol; ag panduaruwaan a no walay akangel ed sikato et nataktakut, ta say tanol na bosis to sansananey, a
