.....akaramdamag kalay tinepet ton aminsan no anggapoy kinugip kon sulsulat di inak? Nanaambagel amo.
Say kuanen amigak a Sinang tan si Andeng ya agik ed
soso, so nanaaliway ulo to ta agto kono mangakan tan
agto met manaames, insan ambilbilunget so panaayaman to. Agmo pipilaen!”
“Ag nayarin ag tayo bagaan,” kuanen Ibarra ya mannodnunot. “Sikatoy naugaliyan diad bansa tayo, sakey ni wadiad abong mo insan agmo napaandi ya masiadoy abig tod siak. Nen impanon nen Alcalde ed sikato may asalitak ed sikan kanunotan, indadayew to ak a maong tan anggapon balubalot so ginawa to ono inbaga ton anggan anton bengat lan makasbel na kitutuloy to. Agka la sirin onbibinta; paulian mo ta agto makapilad sikatayod baluto.”
Nangel day manaakar a makalkalna: si kura manaya ya onaasingger ed sikaran makakaimis na singa pinaspasout.
“Agay lay betel na dagem!” kuanto; “no walay napanateng ed saya mairirap lay kaekal ton anggad isabi panaoy ampetang. Agyo antakut so nabetelan?”
Say bosis to giwgiwan tan saray mata to arap irad arawrawin pasen, dimad anggaay nagawat na pakanengneng ya singa nanabetay tawen tan dalin.
“Mababig ingey pakalikna mid labi tan marakerakep so palayupoy na dagem!” kuanen Ibarran inmebat. “Sikarayan bulan so nayarian tayon ipasen a mikalubayan ed otono(1) tan primavera/2’ napaktak iray arum a bulong day kakiyewan balet andi tunda ray katanamanan a manrosas.’’
Nginmesuay pari Salvi.
“Marakerakep koy inpanlaok da nian duaran panaon, ya anggapd lan sinmalet so invierno'3’ ono panaoy alablabas a betel,” kuanen Ibarrran intuloy. “Kasabi febrero onggapo laran onrosas so kakiyewan tan diad marso aluto laray bunga. No nasabi lay panaoy ambetel onia kamid arum a pasen.”
Akaimis si pari Salvi. Ginapoan day nansalitay
nambabangil ya andi kabaliksan, — say panaon, say
__________
(1) Diad Europa nankapat a panaon so kaapagay sakey taon: primavera, verano, otono, tan invierno. Say otono, panaoy panagbunga ray tanaman tan kakiyewan.
(2) Say primavera, panaoy pafiagbulong tan igapo ray tanaman a panrosas.
(3) Say invierno, panaoy ambetel, mabetbet a onuray hielo tan kapukepukel iray kakiyewan
