"Manbarongbarongan ka, agmo pisasalitaan!” kuanen Sinang ed Maria Clara; “panpasnokan mo pian ag nalamlaman! ”
"Agka met kapaelet!” kuanen Iday.
"Eletan mo labat, ambagel ka ! Say nobio nepeg toy ontulok legan ton nobio ni labat, ta naani no nankasal kila gaween to lay gusto to!” kuanton ibabangat nen Sinang.
“Anto lay amtam ed satan et ugaw ka ni?” kuanen kapinsan ton Victoria.
“Sst! ag kayo maingal ta nialara!
Nitan laran tuay babalolakin nanoulop a nansisilew iray sinigit a kawayan. Mabinbinta ran manaakar a sakey ed sikaray mankeketengketeng na gitara.
"Anto tan agi, singa gitaray mipapayabol! ” kuanen Sinang a manelek.
Nen akapanabet iraman balet a duaran ulop, saramay bibii binmales iran mabinbinta ya alabas nen agda ni amtay onelek; saraman balet so lalaki malabilabir ira, inlulugay dara, makakaimis ira tan anggapoy tonday tepet da ya tongal kapalduay nanaala ran ebat.
“Malinak kasi danum? Antoy pakaisip yo, maong kasi tiempo?” kuandan tinmepet iray kainaan.
"Agkayo mapaga, ali, ta maong ak ya onlangoy!” kuay ebat na sakey a balolakin mabeng ya atagey.
“Akimisa itini komon!” kuanen Tia Isabel ya impandakop toray lima to.
"Wala ni tiempo, ali! si Albino ta nanseminarista nayarian toy manmisad baluto,” kuay sakey met a ba lolakin inmebat ya inturo to may lakin mabeng ya atagey.
Saya ta lupay tuson makabat, kangel ton abitlay ngaran to nanbintabintaan tan nengneng toy marmaermen ya inalig toy pari Salvi.
Si Ibarra anggaman taroktarok toy binta to, malikeliket met a singa saramay ibiba to.
Kasabi rad mad gilig na danum agda apokpokay impakaeyag daran may bibii ya mankelaw iran malikeliket ed impakanengneng day duaran ankakabaleg iran baluto ya tinaker a inpantekep tan pinaparakep na sinolsuldong a rosrosas tan bulobulong a sinasaletsaletay sinasalutsot ya abel a nambabangil a kolor; wala met iray parol a papil ya insasabit ed sa-
