iba ed tibtibukel iran taklay tod pangigagalawgalaw ton
singa labat bagoy manok bilang ed samay balbaleg tan
diwaldiwal a begsay ya onkakanan ugit daran may
duaran sakayan.
Aminpigan apesgaan nen Maria Clara ya sankanengneng to; diad satan ipaliis ton tampol iray mata to ya iyarap ed arum a pasen tan inengneng to rad arawrawi. .... dimad palandey ond dimad biek a sakbit. Akasian nen Maria Clara ed onman lan singa kabokbukoran ton akabiig ed saray arum, tan angalay pigaran galyitas a dinerewan to. Ninengneng nen piloto ya nikelawan, et sayan inpanlimgis to aganggano; angalay sakey a galyitas tan akisalamat ed antiktikey a salita ed bosis a ngalngalin ag narengel.
Nanlapod saman anggapo lay akanunot ed sikato. Saray maligligan elek tan tungtongan day tubonbalo, onlalabas irad sikaton singa labat anggapo. Anggano say saysayaksak nen Sinang tan say betbet na kakukuliseng to no karuten nen ina to, tan say panelelek to lamet no kalabas na karut, agdan balot napaimis.
Kayari almosal, intobat da lamet so pansasakay dan amaarap ed saramay koral na pasabing. Duara raya ya nanarawiyay daiset tan kien ira nen Kapitan Tiago. Arawi nira sankanengneng da laray dulakak a mantogtoun ed tuktok daran may kawayan ya impangoral a nengneng day singa mantatalineng; wadman a nanengneng met iray manok iran ampoti ya tatawagen day tatagalog na kalauay(1) a mantektekiab iran manbabanlangan ya isapsapigar day payak dad tapew na danum tan papanoen day dagem na oni ran makmaksil.
Si Maria Clara pinakpaknuyotan toy mata ramay dulakak ya nen manasingger iramay baluto et inmalsa ran tinmekiab lan amaarap ed sakey ya asingger a pa landey.
"Dimad palandey so panoubongan daran man a manok ay?” kuanton tinepet ed samay piloto ya aliwa la lagin say pangamta to no ag sa labat so pamasalita tod sikato.
“Ngalngali, ali,” kuanton inmebat; "balet ta anggad natan anggapo ni akanengneng na ubong da. ”
“Anggapo sirin so ubong da a?”
(1) Diad salitay Pangasinan Kuak so ngaran da.
—182—
