“Makapalikliket lagi manbanuit ditan!” kuanen Sinang a singa to la nananamen so liket to ed pakanengneng toy dakdakel a sira.
Mantatalaran iran amin; saray arum singa da la sankanengneng iray sirasiran manlokluksod dalem na iket, ya mankidkidiam iray siksik da. Nen inlusor nen balolaki balet imay iket anggapoy linmokson anggan saksakey a sira.
“Napno anganko,” kuanen Albino ya makalkalna, “ta limay agew lan ag siniraw.”
Inisa nen sumisira may kawayan .... ay! ang gapoy anggan sakey a siran akilad iket; samay danum ya akila ya mankidkidiam ed agew singa to ra elekan nen ompawil ya ompelag. “Ah!” kuay pinmaway ed bibil dan amin a dia ra inbesngaw so kelaw da, ingungot, tan naapan ilalo ra.
Inkaos lamet nen balolaki may iket tan onman lamet so agawa.
“Agmo amtay anapan mo!” kuanen Albino ya kinmalab dimad kawalaan ton may balolaki tan sininkat toy kawayan ed lima to. “Nengneng yo! Andeng, lukasan mo tay sayap!”
Agto met balet amta nen Albino, ta anggapo met so lugay iket. Inyan day elek ya amin.
“Ag kayo maingal ta narengel day sirasira, ag ira paerel!” kuanto. “Apilat ya angankon iket.”
Ninengneng day iket et anggapo met so anggan melmelag a pilat to.
“Siak pa!” kuanen Leon ya kaaroan nen Iday.
Ninengneng ton maong so kipapasey koral, ontan met ya inimano ton maong so iket, tan nen napnapda lay linawa to:
“Siguro kayon limay agew lan anggapoy angaos diay sira?” kuanton tinmepet.
"Sigsiguro! Say sankaunoran sanen vigiliay Todos los Santos.”
“No ontan sirin, no aliwan inkantado yay ilog talagan walay naalak!”
Inlusor to lamet imay kawayan ed danum tan anengneng ed lupa toy baleg ton inkikelawan. Andi esel. in
marap ya aganod samay sankaasingeran a palandey,
—186—
