insan to impawilpawil ya insagarsagar imay kawayan
dimad dalem na danum: agto inlimwas so kawayan no
agta inkuan ton makalkalna:
‘Buaya.”
“Buaya!” kuanday akengel.
Sakey tan sakey so angibalikas nian salita ed baleg a takut tan kelaw dan amin.
"Antoy kuanyo?” kuanda nin siansiay arum ya tinmepet.
"Kuanko ta walay buaya diad dalem na koral,” kuan lamet nen Leon, insan, inlereg ton amin lawari may kawayan dimad danum ya nankuan:
“Narerengel yo tan a tanol ay? Say nasesegkal ko aliwan dalin no ag say anawnawet a baog na beneg na buaya. Nanaimano yoy galaw da raniay kawayay koral? Sikatoy makasesengeg ta manaliwaswas, balet ag makagalaw a maong ta apikos; alagar kayo ay, baleg, anganko sankarangan ono masulok so lapar to:”
"Antoy gaween ey?” tepet dan amin.
“Erelen!” kuay sakey.
“Jesus! Siopay mangerel ey?”
Anggapoy nanboluntarion onlusor ta masiadoy kaaralem na danum.
“Itaker tayo komon diad baluto insan tayo isagarsagar!” kuanen Sinang. "Palurey kitay kinan ton ami siraen tayo!”
“Agak ni akanengneng ya anggad natan na buayan mabilay!” kuanen Maria Ciaran makalkalna.
Inmalagey imay piloto, dinemet toy sakey a lubir ya andukey tan sinmegep a masigsiglat dimad tagey a kawalaay singa intablado ya melag. Pinmaliis si Leon ya initdan toy lugar.
Likod ed si Maria Clara, anggapo ni akaimanod sikato tan natan pankelawan day abig na indengan to.
Diad baleg a kelaw day wadman, tinmaboy dimad dalem na koral ya agto inkabilangay ingal day mamabano.
"Awit yo yay ydro !” kuanen Crisostomon maningal a sininkatoy sakey ya yoron malaplapar tan makmakdem a gawad Toledo.
Et si piloto agla nanengneng; nansian a nansasa-
—187—
