ed datal na intablado, insan binmulsdn pinmelag ed danum ed paway na koral, ya intarok toy mamebenben
ed sikato. Samay piloto singa la kuintay inatey; akaeyag iray ampaipait so amin a wadman.
Aliling toy kirmat ed siglat, tinmabuy so sakey ed danum; agda lawari anengneng ya si Ibarra. Si Maria Clara ag nalmay ta diad saraman a panaon saray pilipina agda ni amtay nalemay. Binmalangay danum ya akanaway dala. Samay manbalbalolakin sumisigay tinmabuy ya awit toy barang; tinmabuy met si ama to; kalegep da balet, linmimuas lay Ibarra tan si piloto ya sankabenben day bangkay ton may buaya, ya aluap so entiron eges to tan akapanek so yoro ed beklew to.
Ag nabaliksanan so liket; manialaglagan iray liman angawat ed sikara. Saramay akukulaw singa ra ambagel, manelek iran bansag na pandarasal da. Si Andeng alingoanan to may sabaw a panselaran; linmuag ya aminpiga, linmipua tan naibong ya aminpinsan ya asebsebay apuy. Bukbukor nen Maria Clara so ag makasel.
Anggapon balot so sugat nen Ibarra; samay piloto. labat so walay gulilis tod taklay.
“Utang kon linawad sikayoy bilay ko!” kuantod Ibarra nen saya et manbabaliber na ules iran lana tan saramay kortinan makakapal ya ankakabaleg.
Say tonoy bosis ton angibaga singa nanaermenan.
“Masiado kayon maangap!” kuanen Ibarra ya inmebat; "Maminsani agyo la tutoksoey Dios.”
"No agka la pinmawil!......” kuanen Maria Ciaran makalkalna ya ampotipoti lupa to tan manggiwgiw ni.
“No agak pinmawil insan mo ak tinumbok,’ kuanen Ibarran intuloy so kanunotan to, “ibak komoy amin a boleg ko ed dalem na danum.” Agto nalingoanan ya wadmay pukel nen ama to.
Saramay akukulaw agda la labay so ontuloy dimad biek a baklad; labay dalay ompawil ta kuandan buisit so agapoay agew agla piga no dakel ni onsabin disgrasia.
“Sikato tan lanti et ta ag itayo akimisa!” kuay sakey ed sikara.
“Anto tay mauges ya agawad sikatayo a?” kuanen
Ibarra. "Saman labat lay buaya so naandiay kapalaran!’’
—189—
