This page has been validated.
Manliet so tugtog a narerengel; say asewek a manlalapod saray dalikan malikeliket ya ontatagey a manlilikewlikew; pati say danum singa mangankantad man ed dalem na sayap a kakantaan to lagin liligliwaen iramay iloluton sira, odino balbalawen to ra; say bangkay ton may buaya pigarpigar dimad danum, a no arum akaletaw imay eges ton aluap, no arum samay beneg ton balit a birdibirdian, tan say too ya sankainaroan a pinalsa, anggapoy pagpaga tod onman lan karakel na pinatey ton agagi ton pinalsan kapara to, ya onia pa lagi ibaga ray bramines ond manangay pising labat.
—191—
