“No mangiimon ak komon aliwan siak so ag panengneng; sikatoy gaween kon ag nanengneng pian
anggapoy makanengneng ed sikato.”
"Makapoy no ontan ta pati sika agmo met naneng neng. Walay maong, no makalmo itayoy ubong irigalo tayod kinen kura ta piano anggano banbantayan to itayo et agti nakaukolan a nanengneng, antoy kuanmo?”
“Agko sisiaen itay pakayari ubong na dulakak,” kuan met na sananey a bosis; “balet ta no siak so mangimon amtak no panoy panbantay kod sikaton agto ak nanengneng....."
"Panon ey? panon ey? Singa Sor Escucha?"(1) Manpanpandak irad inpakanunot dad saya.
"Amtam met balet so panagloko tayod Sor Escucha!”
Maniapod mad inamotan to, sankanengneng nen pari Salviy Maria Clara, Victoria tan si Sinang a manaakar iran mankakasaw ed ilog. Akaosdong iran manaakar a manaanap na makapakelaw ya ubong na dula kak: ambasan anggad pueg da tan nanengneng a napatnagan so marakerakep a pusoy bitking dad ompapalkap ya ambasan pinilpiligis na malalapar a sapey dan amesan. Buskag so buek da tan akapaway iray taklay da tan akasakbong ed pagew day aysing dan gulisay raalalapar a mabilabilay iran kolor. Legan dan manaanap na onman lan irap a nanengneng ya ubong, manggegetel met iray rosrosas tan pisipising ya ontutubod mad gilig na ilog.
Samay masantos ya Acteon(2) tegteregan ton ag
onggalagalaw tan ampotipoti lupa to man ya andi
taldeng a Diana;<3) saramay mata ton alibei’ na asireg
a baog mandarlang iran ag onsawan manaamayo ran
man ya ampotipotin singa nilalik iran taklay, saman a
beklew tan gapoy pagew ya agay lay dakep; tan sa
ramay salin ankelag a rosarosay kolor da ya mankakasawkasaw ed danum, liliingen dad makapkapoy a laman
toy sansananey iran liknaan tan ontan met a singa
_________
(1) Diad Kolegio ray mamadre no oras na kabibisita walay madren wadmad salas a manbabantay ed saray Kolegialas tan manderengel no antoy totungtongen da.
(2) Diad Mitologia, si Acteon sakey a balitadon omaanop a dinusa nen Diana ya diosay panaganop, tan inpanmaliw ton olsa ya pinatey na dilin aso toran yaanop
(3) Diosay panaganop.
