ra ipapaseksek ed mandarlang ya utek toy balo ran
kanunotan.
Kasabi rad sakey a likoy ilog a tinubuay mapalepalet a kakawayanan asaniban la raman a marakep ya impanlaman ya bibii, tan ag met la narengel iray makapaspasakit a salsalita ra. Pinmaway si pari S-alvid mad inamotan to ya singa abuek, agto napetek so akar to, naames na linget, tan lingawlingaw a singa mantetlek iray mata to. Tinmondan ag onggalagalaw a manduaruwa; kinmurang na pigara ya singa to ra tumboken iramay mamarikit; et kasanlilikna pinmigar tan tinunton to may gilig na ilog ya inanap toy kawalaan day arum a totoo.
Anengneng tod pegley ton may kulos so sakey ya amesan a kinoral a balibali, pinaparakep na bulobulong na niog, rosrosas tan laylay, ya onkakanan tarong toy masalsalindak a sengeg na kawayan, tan narengel a manlalapod man so bosis iray bibii ya malikeliket. Diad aragdawi daiset, walay taytay a kawayan, tan diad lumbas toni nia, wadman iray lalakin manaames; nanengneng met iray akamayamay ya igaganggan a bibii tan lalaki ya mankikimey dimad liberliber day insasambot a ginagawan dalikan, ya wala ray mansisikdot na bagoy manok, mangouras na belas, mankakalot na litson, tan arum ni. Diman balet ed biek a gilig, ed pasen a pina laspasan tan nilinisan, wadman met iray dakdakel a bibii tan lalaki ed sirom na impaalagey ya atep a Iona ya insasabit ed sanga ranmay ankakabaleg tan matatken a kiew ed arum a pasen, tan insisinger ed inpapanek iran tanos ed arum. Dimay kawalaan di alferez, coad jutor, kapitan, teniente mayor, saraay maistro tan akamayamay a kapitan a nanpapaso lara, pati si Kapitan Basilion ama nen Sinang, a kaarap nen Don Rafael aman ed tribunal nipaakar ed sakey a kolkolan ya abaybayag la. Oniay inkuanen Ibarra ed sikato: “Tua ta walay pansasangsangan tayon pankatunongay sakey tan sakey, balet ta aliwan kabaliksan tonyay manbusolan itayo.” Tan si balitadon tomatalumpati ray conservador aliwa labat lan malikeliket ya ineselan toy ondagop ed piknik ya amagaan ed sikato nen Ibarra no ag ta amaitolor ni taloran pabo tan imbabaki to niray
igaganggan ton ontulong.
