Amin day wadman a pati si alferez inlugay day
magalgalang si kura nen kaasingger to.
“Iner so nanlapoan yo?” kuanton man a tinmepet nen anengneng day lupa to nia ya agulgulilis tan apeketpeketay abito to na bulobulong tan ankekelag a sangasangan amagaan. “Atumba kayo?”
“Andi, abalang ak!” kuay ebat nen pari Salvi ya inmosdong a ninengneng toy kawes to.
Nanlulukas iray botilyay limonada, nanpipisag met iray niog a malanguer ta piano saramay nanaames et makainum iray tabol tan makapangan iran may iyan ya ampotipotin amusiak nen say gatas; iniitdan da ramay bibii kuintas a sampaga a kasalsalet day rosrosas tan ilangilang a mansamiong a babalingitan day buek dan akabuskag. Saray arum akayurong ira ono akasaral irad anduyan ya insasabit ed sanga daran may kakiyewan, sara met sa arum manpapalabas iray oras ya akayurong ed liberliber na sakey a baton baleg a matapiak ya wadman iray nipis, tablero ran galaway ajedrez tan dama, libron ankelag a maimpis, sigsigay tan batobato.
Impanengneng dad kinen kura may buaya, balet ta singa sananey so kawalaay nunot to ta agto naasikaso, tan inimano to labat nen inbaga ran say amutiak et si Ibarra. Samay piloto anggapo lay akanengneng; naandipat la kasakbayay insabi nen alferez.
Pinmaway a siansiay Maria Clara ed banyo ya kaulop toray amimiga to, ya aliling toy rosas a kabusbuskag ed kabuasan a mankidkidiam irad utsl toy linaew ya andi duma rad brillante. Say sankaonaan ya imis to para si Crisdstomo, tan say inmonan lurem ya akapabilunget ed muling to para si pari Salvi. Saya naimano to et ag man nginmeswa.
Asabi panangan- Si kura coadjutor, alferez, kapitan, pigaran kapitan tan si teniente mayor, manyoryurong irad mad lamisaan a kawalaan nen Ibarra. Saramay kainaan ag ira imnabuloy ya walay lakin milaok a mangan dimad lamisaan a pangakanan day bibii.
“Natan Albino agmo la nayariay mamalesay abot a singa dimad balutd,” kuanen Leon ed samay nanseminarista.
“Anto? Anto tan?” kuanda ranmay akukulaw.
