“Saramay baluto, ali, anggapon balot so abot da,
inentiro ran singa sayay lipong ay,” kuanen Leon ya
angipaliwawa.
“Agi, anak na pating!” kuanen Tia Isabel a makakaimis.
“Wala lay nangelan yo, sinyor alferez, a nipaakar ed samay manges a too ya angabil ed kinen pari Damaso?” kuanen pari Salvin tinmepet dimad pangakanan dan lamisaan.
“Siopa tan a manges a too, pari kura?” kuay tepet met nen alferez a papaaninagan ton nenengnengen imay pari ed bason iinoman toy alak.
“Siopa ni arum ey? Samay nankakabil ed kinen pari Damaso karomay ngarem ed dalan!”
“Kinakabil toy pari Damaso?” kuay pigaran tinmepet.
Singa akaimis si coadjutor.
“On, tan si pari Damaso mandokdukol nin anggad natan. Say kuanda so saman lan lamang amoy Elias ya angipasaplak ed sikayod lunek sinyor alferez.”
Binmalangay lupa nen alferez diad kababaingan to lagi ond diad ininom toy alak.
“Say isip ko lawari,” kuanen pari Salvin intuloy a singa nantarok na balaw, “so kabat yon maong yan inkagawa, ta say kuankod inkasiak a dili, lapod alferez kayoy Guardia Civil......... ”
Kinetket nen alferez so bibil to ya inmeremere toy sakey a baraan ya ataptapew.
Diad saya nitan lay sakey a biin amespesiaw, mabmabeng, tan apilpilat a maringdingot so kawes to. Anggapoy akalikas ed insabi to ta andi esel to tan makalkalnay panangakar to ya no labi labat et nayarin nabaloan ya anyani.
"Pakan yo tay pangaskasiyan a bii!” kuanda ranmay akukulaw: "Oy, Gala dial”
Samay bii balet ag tinmonda, no agta sinmmgger dimad lamisaan a kawalaan nen kura: saya linmingaw, abirbir to, tan naikbanan toy yoron walad lima to.
“Itdan yoy kanen to yay bii!” kuanen Ibarran ingganggan.
“Ambilbilunget so labi tan naandipat iray ugugaw!” kuanton inmeremeren may biin mipapayabol.
Et nen anengneng toy alferez a misasalitad sikato,
