ataktakot, inyan toy kuyat tan naandipat lad mad utel
day kakiyewan.
“Siopa ta man?” kuanen alferez.
“Sakey a masegsegang a naambagel ed ermen tan inkataktakot to!” kuanen Don Filipo; "apat agew to lan ontan.”
“Ompano sikatomay Sisa?” kuay tepet nen Ibarra ya napatnagay pilit ton mikabat.
“Inerel dan imperisoy sondalo yo,” kuanton intuloy nen teniente mayor ed tonoy bosis ya ampaipait: “inolop dad entiron baley nisesengeg ed agko amta no anton nipaakar ed saray anak to ya ag apaliwawa.’’
“Anto?” kuanen alferez ya inmarap ed kura: “ina daran may managpamisa yo sirin?”
Tinmanger si kura.
“Ya naandipat iran agla apapaway no antoy agawa ra,” kuanen Don Filipon mabinbinta ya ninengneng toy kapitan, saya inosdong toray mata to.
“Anap yo may bii,” kuanen Crisdstomon ingganggan ed saramay ugugaw to. “Insipan kon ontulong ak ed panoysoy no iner so nakar day anak to. .... ”
“Antoy kuanyo, naandipat ira?” kuay tepet nen alferez. “Naandipat iray managpamisa yo, pari kura?”
Saya intagey ton nilangop so sanbason, alak ya walad arap to, insan to intanger.
“Ay, maganggana kayo, pari kura!” kuanen alfe rez ya elek toy napnoy balaw, tan makaliliket ed pakabales to; “nabalangan kayoy pigaran pisos, pabangon yoy sargentok a masaksakbay ta pian paanap to ra; naandipat so duaran managpamisa yo, ag kayo onesel, tan sikayo met sinyoi' Kapitan tua met ta sikayo et.....”
Agto insumpal no agta inyan toy elek ya bansag na impangutsara toy apayas ya aluton wadmad arap to. Agagay kura, agto nasingkat a tampol so ibaga to, insan to inkuan:
“Onaa ta nakaukolan ya ebatan ko man a kuarta.”
"Natnaasirtan ebat, magalang a pastor na kamarerua!” kuanen alferez ya agto pinasumpal tan sinmalitan napnoy sangi to. “Balibalin ebat, masantos a laki!”
Onsalet lawari Ibarra, bangbalet si pari Salvi pinokpokan toy inkasikato tan inmebat ya imis toy pinaspasout:
