ed ontan lan kasil ya atumba ya, tan nipatiblak si alférez dimad lwak. Kuanda met ta samay too intuloy toy panaakar ton singa anggapoy agawa, ya agto inasikasoy limaran nantutombokan a bala ya impaltog nen alférez sikaton nanlapod mad kawalaan ton lwak, ya laram ed petang na uló to tan pitek a nikuliapot ed lupa to. Lapod anggapoy makapikabat ed saman a too ininap dala
ya sikatomian angankoy nababantog ya Elías a pigay bulan lay insabi tod sayan luyag ya anggapoy makapikabat ed nanlapoan to, tan nangnangelan na guardia
civil ed arum iran báley nisengeg ed mikabkalubayan iran inkagawa.
"Tulisan sirin a?" kuay tepet nen Victoria ya akigtot.
"Andi anganko, ta kuanda met a binakal toray tutulisan nen sakey ya agew a saraya et tatakewan day sakey ya abong."
"Aliwa pan lupay mauges a too!" kuanen Sinang.
"Andi lanti, no agta marmaermen labat so kanenengneng to; agko anengneng a inmimis a sankabuasan," kuay ebat nen María Clara ya sinonunot.
Linmabas so ngarem tan asabi oras ya ipapawil ed báley.
Sinmipot irad mad takel nen onseselek so agew tan andi esel dan nilabasay abay ton may angipunponan ed lákid pueg nen Ibarra. Nen akaarawi laray daiset, pinmawil lamet so tungtongan dan masaysayaksak legan dan ondadalan ed silong daran man ya sangasangan bálod sikaray pakangel day mansasalitan akamayamay. Maerermen so nengneng daran may kakiyewan, tan saramay wakawakal tan kalabkalab a tamtanaman a man-baybayes iran singa mankuan: "Milay Dios ed sikan kalangueran! Milay Dios ed sikan kugkugip na sakey ya agew!"
Taynan tayo ra sirin natan a manaakar a mamaarap ed báley a nansisilew iray sinigit a kawayan tan mangitgitara rad dalan. Mankakalkalna ran nababawasan
ed isasamarsamar dalay makasasabid kaabongan da, eerepen da met laray awit dan silesilew, tinmonda laray kansion tan amemet laray gitara nen manasingger larad ayaman day katoowan. Mansanib kilay lupa yo ta wala kila lamet ed utel day agagi yon kapara yon totoo!
