ed sayan salita ed kaliberliber tayo ran bansa. Pigay taon ya anggapoy apasabik ya ebat, sinalik ya impaisulat ed salitay intsik, tan diad ontumbok a noviembre nen
pinmawil ira awit da met ya akataker ed salí ray papil iran ankekelag a wala ray akasulat; impaipatalus kora tan sámay sakey pabano ono lugay a nanlapod gilig na Hoang-ko, tan samay sakey unong na pakatalus ton may intsik ya angipanonan ko, japon anganko. Aabalaen takayo balet a totungtongay nambabangil anta agko ni tinepet no antoy kikanak ed sikayo"
"Linma ak dian walay labay kon salitaen ed sikayon sakey a pamaakaran a makabaliksan," kuay ebat nen Ibarra; "karomay ngarem ...."
"Narel da sirin imay masegsegang a too?" kuanen masiken ya agto apasumpal, tan napnoy pilit a mikabat.
"Si Elías so labayon ibaga? Panoy inpakaamta yo a?"
"Anengneng koy Musa (1) ray Guardia Civil."
"Musa ray Guardia Civil! Siopa tan ey?"
"Say asawa nen alférez ya agyo binagaan ed piknik yo. Say ngarán ton peteg Donya Consolación et papangaranan day Musa na Guardia Civil. Karomay kabuasan binmawag ed báley so inkagawa ton may buaya ya akaloub ed koral na sirá. Sayay Musa ray Guardia Civil, no panoy kaugsan to ontan met so tudioy pakatebek to, kanian ininap to ono pinetek ton tampol a samay piloto yo et anggapo lay arum no ag samay masubeg ya angipatiblak ed asawa tod lwak tan angabil met ed pári Dámaso. Tan manlapod lulukasan ton babásaen iray datedalém ya onsasabid kinen asawa to, nen sinmenpet yad abong ya abuek tan agto amtay tapew na dálin, kaugip to, si biin dildili so angibakid samay sargento tan apatiran sondalo pian naguloy piknik yo et makabales ed agyo impamagad sikato. Manaluar kayo! Si Eva sakey a biin maong ya ugali ya nanlapod limay dilin Dios ...._ kuanda ta si Donya Consolación mauges a walná, tan ag amta no siopa ran limay nanlapoan to! Say sakey a bii ta pian walad sikato so walnán marakep, nakaukolan a walay panaon ya asali toy nanbilay ya ag ataldengan, odino asali toy liknaan na sakey ya iná!"
(1) Bengat lan mangiiter na boná tan layap na panagnonnunot day somusulat lalo laray ommanlong. Say impangikana dia nantarok na balaw.
