san a nililínisan a maong so birina da ran salming, insan
irá sinasabitan ed gilig na impantetekep a bineberber a rosrosas.
Kapag lansangan walaray impapaálagey a pigaran palámirin kawayan a kinákayas a mapmaimpis so baog da ya kinakaleskes ya impantitípon ed balang punget ya aliling bilang na nankukompog a rosas, tan pinaparakep ni ray nambabángil a laylay a panliliketan dan tangtangayey ugugaw. Diad gilig na patioy simbaan, walan impaálagey so balbaleg tan mabmablin tolda ya dalaney libot. Diad silong tonia, wadman iray ugugaw ya manggagalaw, manousilan, kalabkalab, manloloksoan, ya wala la ray agabíang so balon aysing dan ingganán isulong da komon ed agew na pista.
Say intabládon kawayán, pinaor tan kiew dia impaálagey ed plasa; diay pangipawayay komidian manlápod Tondo ya no diad panagmilagro odinó panangipaway na nambabángil a makapakelaw, nayarian dan kompitinsiaey dilin Dios tan saray sasantos; diay pangantaan tan sayawan na bantog iran pomapaway ed sarsuila ya di Marianito, Chananay, Balbino, Ratia, Carvajal, Yeyeng, Liceria, etc. Saray pilipino maliket irád sarsuila tan ag irá mamapalabas na ipapáway a drama; labalabay day mandengel na kansion, mannengneng na sayasayaw tan panangaksion, agda ngisiwan iray ompapaway ya anggan agda napaknaay nenengnengen da, balet ta agda met irá tipakan. No walaray ag makapakna ed ipapáway, manggagal iran panpalabasan day oras, odinó onla lara ya andí esel tan agda guloen iray arum ya onnenengneng a malabay lági. Mataltalag so singa walay ingal ono guloy daiset, ya saya dia labat ed bandan kawalaan dan may abeban inkatoo, sano saray lalaki ya pomapaway et lakapen onó angoban da ray pomapaway met ya bibíi, balet ta agla onlabas ed saya. Nen imbeneg iran panaon, drama labat so ipapáway no ontan a pista. No siopa may maong a manulat ono omaanlong
ed báley, manggaway ipapáway a sakey ya akto, ya manlapod antikey ta sakey ya akto labat lanti, nakaukolan ya manbabakal iray pomapaway ya kapag duaran bekta tan wadtan met lan iba ray sakey a tuson managpalek, tan makapataktakot so pansasalat na itsura ray pomapaway. Balet ta nanlapod agew ya saray pomapaway ed Tondo et ginapoan day angipaway iray ko-
