midia ya mamipat so sangalan a panbabakal da ed sakey bekta, duaray tuso ran managpalek tan pinalakbatan da ray akaona la ran drama ya lalon ag nasisiay ipapáway da, saray sumusulat ed kaluylúyagan akompitinsia ran maong tan tinmonda lara. Si Kápitan ta maliket ed sarayan nenengnengen sikatoy nanpili, unong ed nanpaknaan da nen kúra na ipaway a komidia, tan say ngaray pinili to "Si Prinsipi Villardo ono saray Pasak ya Binagot ed Mauges ya Ongib," (1) sakeyan komidia ya napnoy salamanka tan koitis.
Mabetbet a makalangakang a malikeliket iray kamkampana, saraman lan lamang so kampanan nen pistay inatey et maerermen so tanol da. Makatelek iray mantetlek a dalig na apuy tan saray palpaltog. Sikarayan panaon so ipaway na kabat day pilipino ya managgaway koitis, ya anta anggapo met so petepeteg a nanaralan da et sarasarag day manggaway nambabágil a nengneng a singa globo ran ankakabaleg a nansilew ya ipatekiab a sinibok iray ampetang a dagem, koitis iran ipaltog a manpaarap ed tagey insan diman irá ombuskag ya singa apuy tan bitbitewen a nambabángil a kolor, saray tatawagey silew ed Bengala, dalig iran singa mandildilat ya apuy, bomba tan arum ni.
Walay narengel ya anggano arawrawi nin tugtog? Tampol ya manbagtik la ray ugugaw ya mamaarap ed paway na báley ya onabet ed onsasabi ran banday músiko. Limara so inalkila, andibali ni taloran orkista. Say banda ed Pagsanjan a kienen eskribano ag nayarin ag onkana, ontan met na banda ed báley na San Pedro de Tunasan a nibabantog manlapod say bastonero to et si balitadon maistro Austria ya tatawagen day liwagliwag a cabo Mariano, ya unong na balita et awitawitod sampot na baston toy pama tan dakep na pananugtog. Saray músiko masiadoy dayew da ed ginawa ton togtog a panangulop na inatey ya inngaray "El Sauce" (2) tan ababageyen day agto impakapalaem ya impanaral na músika ta saman a tudió to, no akaaral labat komon napagalangan toy báley ton nianakan.
Onloub so banday músiko ed báley a manotugtog na martsa ran masaysayaksak, tan manumtumbok iran ki-
(1) Sarayan komidia ya tatawagey karaklan na "Moro-Moro" ya no arum et ag irá nasumpal ya pigay agew, andi arum ya ipapanengneng da no ag say makmaknol ya panbabakal day Kristiano tan saray Moro nen saman diad Europa ya say apasakey a sampot da so manalo ran manaloy Kristiano.
(2) Sakey yan kanengnengay kiew.
