Diad pansamputay octubre, si Don Santiago de los Santos a kabat na karaklan ed ngarán ton Kápitan Tiago mangiter na sakey a pandeman, tan anggaman sungpad naugaliyan ton gendat, et saman labat a ngarem so impangipakabato, sikato lay totungtongen dad lapag a Binondo tan arum niran pasen tan angga lad Intramuros. Si Kápitan Tiago pantarol tan aliwan maamot a silulukas lawas so pintoy abong to ya singa dilin dálin ton nianakan, ed siopaman ya ondawes, likod labat so komirsio tan antomán a bálo tan kanunotan iran palaran so pansumpalan da.
Alimbaway kirmat ed siglat so imbawag na balita ed polok daray maliket a mibílay, ya aliling day apangat ono totoo ran ondágop ya anggan ag binagaan, a pinalsa ray Dios ed sankabalgan a panangasi to tan malagak toran pararakelen ed Ibále. Wala laray nananáp na bitún a pamasileng day sapatos da; saray arum botinis tan korbata, tan amin da naguguló ran agsinunot no panon kasi maong a pangilúgay dan singa ra kadilíyav akanabong, a pangipatnag day andukey lan impankakaaro, odino pankerew day pangitepel ed sikara, no bilang, ed agda impakadágop ya asasakbay.
Sayan pandem nagawa ed sakey ya abong ed lansangay Anloague,(1) tan lapod agmi la nanunotan no komanigay bilang to. isalaysay mi lay nengneng to piannabirbir, ompan bilang agni nigebay dinmadalan iran
yegyeg. Agmi naisip a say akanabong et impaigebá to,
______
(1) Nater parte na lansangay Juan Luna ya manlapod Plaza Calderón de la Barca angga ed Plaza Cervantes. Sakey yan lansangan ed baleg a distrito na Binondo ya say ngaran to nanlapod salitay Tagalog ya anloague (panday) ta diad panson a impangingaran nian lansangan akamayamay iray panday a manaayam diman,
