limgas to tan kipapasen ton makapabpaibeg. Diad kulang a duay simban linmabas abáwi to lay pitotoo ton madíli tan pitotungtong ton makaayayap, a singa raya
apaer wari ed abayag ya impanayam tod kolegio. Nayarin yaliling bilang ed sakey a kompapey ya kákal na akabalkot ed sikato, et abirbir to ray talbay karósasan,
a masarag lay impakatekiab ton aganó tan impakalikna toy petang na sinag na agew ya angiter ed sikatoy anlemlemew a katetekiab. Mapatpatnag ed awawey toy
liket a manlipuá ed puso to: marakep tan mabábig so pakanengneng tod amin. Agto yaamot so aron liliknaen to ta manlapo lantí ed andí taldeng iray kanunotan to, balet ta anggaman tua ya agto isasanib, say panangiparungtal to napnoy simpit. Ontan man, no
sulonen da no arum isanib toy paypay to ed lupa to, et
siansian saray matá toy makakaimis tan singa nanaayapay liknaan to.
Mankakalkalna ran naseselselan so silew ed kaabongan tan diad kalansanganan a panliliberan day músikon mantutogtog, sinelselan met la ray nankokompog a silew ya inaalig ed silew na simbaan balet ta kiew tan kawayan so ginagawá ya aliwan gansa onó balatyang.
No wala kad lansangan nanengneng ed dorongawan iran silulokas so akamayamay a totoo ed kaabongan iran maliwliwawa tan pinaparakep na rosrosas, tan sankarengel met so tanol na piano, ono arpa, odino orkista. Batakbátak irad kalansanganan so intsik, kastila, pilipino, ya diad sarayay unor walaray akakawes na barong tagalog tan wala met la ray nan amerikana ya akiálig ed saray taga Europa. Manaakar iran manlalaglagan, tan no arum manaabet a mansisikilan tan mantutulakan lara no maminsan so igaganggan a nanaawit na karni tan ngananganak, estudianti ran manaaral ed Ibále ya akakawes na ampoti, lalakí, bibíi ya ngalngali la ran natalapos na luganan iran pigapigan nengneng tan kalisa ya mairirap da met so makalabas anggaman onman lay panangibando ray kotsiro na "tábi!"
Kapetek dad abong nen Kápitan Basilio inlúgay iray pigaran babalolakí ya pasasamaren da ran pasésegepen. Manbabaraan ira wari et nangel day maligan bosis nen Sinang a nitanlan manbaktik ya onaakseb.
"Segep kayon maganó pian makapilaak," kuanto, "nanaalipanesan ak lad amayamay a totoon agko kab-
