ta diman say manangigeba say Dios odino saray bagyó, yegyeg, apuy tan danum, a sikaraya met so pangimamatalkay dílin Uley na onia ran kimey. Sakey ya abong a baleg ya andi duma tod inkagawá ray karaklan ya abong ed sayan bansa, ya impaalagey ed pasen a mamaarap ed sakey a sangay Pasig," a tatawagen day arum na ilog na Binondo, tan onkakanad nambabangil a pamaakaran, unong ed amin day ilog ed Ibále; amésan, bantakay dutak tan bawás, pesákan, panangalaay sirá, dalán a pansakayan, tan no maminsan, inomén, no sikato lay kainomayay intsik ya omaasol. Manepeg ya imanoen a sayan sankakanaan a dalan a sakey kilometro wari ed dukey, ed sakey a pasen a makaiweng ed tanol tan panlalaglagan tan pansasabatan day ondádalan, saksakey so taytay ton kiew nimet a diad sakey taon aderal ya anem bulan ed sakey a sampot, tan ag nadalán ed mantumbok ya anem bulan ed biek, kanian diad panaoy ampetang saray kabayo samboten da met yan kipapasen a mabetbet dan itaboy so luganan a nataktakot a pinasiay manluglugan ya agto nanaimanoy batik na kabayo ta mantemtemeg lági no arum, odino nonunoten toy kurang na bolaslás na panaon.
Sakey ya abong ya abebá tan ag asimsimbang. Nayari pa lági ya say arkitekto ono maestroy panday a nanggawá et makapoy so pakanengneng to, odino dia met la lágid indadalay yegyegyeg tan dakel a bagyó, agla amta no dinan a peteg so akasengeg. Sakey a maawang a takayan a pinintaay malabuyong so bayabay to tan inalpombraan ed arum a pasen iray balitang to, so segepan ya anggad tagey manlapod kaloob ed pinto, pasen yan pinánatay baldosan ampoti tan pinaparakep na tantanaman a manrosas ya inlulugan ed masitira ran impapatoon ed patoonan iran kalap a nanlalapod China ya ag mankakalatay kolor da, tan napnapno ray nambabangil ya inpipinta ya ag nasisia.
Manlapod anggapoy managlukas na pinto ni igaganggan a mantepet ono mankerew na angisulatay impanbagá, onsegep ita sirin, oh sikan manbabasa nia, kaaro may kabusol! no pa lági ta nanaayat kay makaayayap a tugtog day músiko tan kalatakat na lipong tan
(2) Ilog
