Kapangibalikas tonia anengneng da may ambagel ya igugoyor na sakey a sondalo; si Sisa migogoyuran ya agto labay so mila.
“Akin et eerelen yo? Antoy ginawa to a?” kuay tepet nen Ibarra.
“? Antoy ginawa to? Agyo sirin anengneng so impanggulo to?” kuanton inmebat nimay managasikasoy kareenay baley.
Samay akating dinemet ton tamtampol imay babak6 to tan inmarawi lan masigsiglat.
Si Maria impasingayew to met a labay to lay ompawil ta singa naermenan ya inmandin pati ligligay kanunotan to.
“Wala ra met manayay totoon aliwan maliket!” kuanton makalkalna.
Kasabi rad pintoy abong da, lalon linmour so ermen to nen manpapatanir lay kaaroan to ya agto la labay so onsegep.
“Nakaukolan,” kuanen Ibarra, “ta ompano wala ray sankailid abong.”
Sinmegep lay Maria Clara ya walad lidlinawa toy makapaaburido manayay pistay baley no onsabi ray sankaili ya nanlapod arum a pasen.
