Cada uno habla de la feria como le va en ella (1)
Manlapod anggapoy anggan antoman a makabaliksan ya agáwa ed saray kabkabat tayo la ran totoo ed lábi díspiras may agew na pista, loksoan tilan agla salitaen komon yan agew no ag labat say pakanunot ya agla pigá no walay manbabasa nian tagá arum a bansá ya pilalek ton kábaten no panoy panamalábas day pilipino na pistay báley da. Nisesengeg ed sáya sakalen mi dian ikurit ya andi natiguay so pigaran sulsulat, a sakey ed sikara so inkurit na sakey a sumusulat ed sakey a nipapasen ya manonaan a palapagan ed Ibále ya nagagalang ed binta na tanol day awiton ipapalapag. Akauley pa la ra sirin so manbabása ya mametek no wala ray daiset a kinmasipad katuaan ta agman iraya ginagála.
Niay inkurit na sumusulat ed asalita lan palapágan:
"Kagalang a Director .....
"Pinablik a kaaro:
"Agko nin balot akaimatón tan agko met la anganko makaimatón ed arum iran lúyag na pistay simbaan a sankabintaan, sankarakpan tan makapasibeg na linawa ya singa impamalábas day pista ed sayan báley na saray sankagalangan tan sankaabigan a papárin pransiskano.
"Masiadoy karakel na akipista: diak irá anengneng tan nibáno so amin lawarin kakastila ya manaayam ed sayan lúyag, tan ontan met ed taloran papárin Agustinc ed lúyag na Batangas, duaran Dominiko, a sakey ed sikara et si magalang a pári Hernando de la
(1) Sakey tan sakey tungtongen toy nila tan pista unong na agawad sikaton kaabigan ono kaugsan.
