Sibyla ya nitandóro toy báley ed inakar to dian impipista tan agda ya komón nepeg a lingoanán na saray mibabáley. Abanak met irá dia so dakel irán atagey
a inkatoo ya taga Cavite, Pampanga, tan saray mamayaman a taga Ibále, tan diak met nangel ya anugtog so pigaran banday músiko ya sakey ed sikaray banda
na Pagsanján a kien nen Kagalang ya eskribano, Don
Miguel Guevara; ontan met a nanengneng iray mapalet ya intsik tan indio ya napnoy osisa ray akaona tan masansantos irá yay komaduá, balet ta aparpara ran manpilálek ed isabi lay kaimbuasan ya inengneng dad drama onó sarsuila ya tekep to ray kansionan tan sayasayaw
ya ipaway ed balbaleg tan maawang ya intablado ed plasa.
"A las nueve lábi ed agew na dies na Nobiembre ya díspiras na pista, kayári min nandem a napnapdá kamin anggapoy barbaraan mid impantadiay amapandem ed sikami ya Hermano Mayor, atawag so imanoy amin a papári tan sikamin kakastilan walad konbinto ed anieweng na tugtog day duaran banday músiko tan tanol na koitis tan bomba ran manlaldak tan mapalet a katoowan ya walarad manonaan iray walay kanengnengan a totood báley, a linmarad konbinton ábeten da kamin itolor ed pasen ya imparaan ya ingganan panayaman tan yurongan amin onnengneng ed sarsuila, "Apilitan kamin linmá ta agmet lantí nayári mamabaing ed onman lan panamagalang tan abig na linawan impatnag da; anggaman no tungtongey tuá et mas lablabay ko la komoy inmogip pian nipainawak so banal na lamalaman ko nisesengeg ed uges na dalán a mamaarap dia ya manbontatok so niluganan min inter na kapitan ed báley na B.
"Inmakseb kamí lan akíla tan nila mi ran sinamar so ibíba min nandem ed abong tod sayan báley nen masantos tan mayaman a Don Santiago de los Santos. Wadman iran sankaíli to nian Creso ya pilipino, di kúra ed sayan báley, magalang a pári Bernardo Salví, pari Damaso Verdolagas, a diad sankabalgán a panangasi Dios et inmabig lad impansakito ya nisengeg ed gaway sakey a mauges a too, ya kaulop da ray magalang
(1) Sankauncran ya ári ed bansay Lidia ya nibantog tan nibelbellaw ed ontan lan kayamanan to.
