kubiertos, tan labay mon nengnengen no panon iray doipoan diman ed bansan tatawagey Perlas ed Letakan.(2) No tumboken koy panaglabay tan kainawaan ko, agta kala komon gunigonen ed pangisalaysay kod sikay kanengnengan na loob na abong, balet ta saya, kapilitan a tuloy, ta sikatayon totoon pinalsa dakel so pipara tayo ed saray pagong: say bilí tan kipapasen tayo nasimbang ed nengneng na díli tayon ayaman. Diad saya, tan arum niran ugáli, saray totood Pilipinas singa ra met pagong. No onsegep ita, sabien tay maawang ya ayaman a tatawagen dad may "kaida" ed ag amtan makasengeg, a diad sayan lábi sikatoy ingganán pananganan tan ayaman day músiko. Diad pegley wadmay andukey a lamisaan a napnoy ankabli ran pamarakep a singa tora kikindatan ed masamsamit a sipan iramay dinmadágop ya anta ag ira binagaan, tan singa tora balet pagiawen ya itday takut iramay mamárikit ya wala nid kalangueran ed pannodnunot day duay oras a pidongo rad lalakí ran karaklay agda kabat a panagtungtong tan panagsalsalita ray sansananey tan agda pasal. Ondumá ed sarayan dinadálin a paraan so insasabit irad dingding a talintaon inpipinta ed ag nantotukoyan a kolor ya ipaparungtal daray dini-Dios a pamaakaran, singa bilang, "Say Purgatorio," "Say Impiernos," "Say Kaonoran a Pangukom," "Say Ipapátey na Maong a Too," "Say Ipapátey na Makasalanan," tan diad sankaarawian ya inlugan ed marakep tan mabmablin kuadro, ya singa nengneng na kimey nen panaoy "Renacimiento tan gawá angankoy Arévalo, (2) wadmay sakey a balbaleg a pintura ya pakanengnengay duaran akulaw... ya walan akasulat ed leksab to so onia: "Say Katawan tayo ed Kareenan tan Maabig a Panagbaroy, ya igagalang ed Antipolo, ya nankinon mipapayábol nen dalawen tod impansakit to so mapangasi tan nibantog a kapitana Ines."(8) Sayan inpinta anggaman aliwan nagnap ed dakep masulosulok so inkatugtúa tod bilay; say agmakayari singa la nengneng toy bangkay ya onggagapo lan nabobulok a dinmuyaw tan mala inanágan lay lupa to; saray inuman tan
(1) Pananawag ya ed Ibale odino lapag a Pilipinas ya ikakana ra no maminsan na sumusulat.
(2) Sakey ed saray nababantog a maong a manggaway talintao ed Ibale.
(3) Wala met so miparparad sayan kuadro ed konbintoy Antipolo.
