labi. Agla nakaukolan a salitaen dia ya say intadia rad
sikami ed dakep, kinarakel tan abig na inkasirbi, anggapoy duma. tod samay tadia ed bansal ed Cana ono bansal
nen Camacho(1) no ag daeg to ni ingen. Legan na masamsamit a pangakan mi ya dilin sakey a kosiniro ed la Campana(2) so manbabantay ed saray mansisirbi, manotugtog so orkista na makaananlay iran tugtog. Say sankalimgasan ya anak na akanabong ya akakawes na tatawagen
day kawes na mestiza(3) tan akaalajas na ankakabaleg
tan marmarlang iran brillante, sikatoy reina ed saman
a pista ya singa unong lawas a nagagawa ed amin
a kiwawalaan to. Nilikna min tuloy so inkalikday sail
to ya akasengeg na agto akasayawan, ta no sukaten ed
abig ya nanenengneng ed antoman ya gagaween to, say
kasasayaw sirin nen Binibinin De Los Santos, anganko
aliling na dakep na kasasayaw na sakey ya inkantada.
“Say alcalde ed sayan luyag sinmabid sayan ngarem ya getma ton pagalangan ed kiwala to dia so sirimonyas ya nagawa nabuas. Niliknak a tuloy so inkaboblayan nen kagalgalang a mayaman a sinyor Ibarra ya di ad sankabalgan a panangasi Dios et ginmanggana met la kono.
“Sayan labi, linmibot na marakerakep tan ambelabelat, balet ta salitaen ko la ya ed sulat ko nabuas, ta nanaelewak ni ya singa ak atelek ed karakel na impaltog dan bomba, insan mapalaloy kesaw ko tan pantemeg ko. Legan ko sirin ya manpainawa ed saray taklay nen Morfeo(4) odino diad katri ed konbinto, oy la komon no maong so pamalabas yoy labi, kagalang kon kaaro. Ituloy ko ya lamet sirin nabuas ya sikatoyay sankabal gan ya agew, ta sikatoy petepeteg ya agew na pista.
“Say maaron kaaro yo, ya manpinsiw ed saray
lima yo,
Say Sumusulat
________
(1) Sakey ya agawa ya nabasa ed uliran na “Don Quijote” ya walay sakey a mayaman a manngaray Camacho et imbatik day aasawaen to nen ayari lan nantadiay pinaspasia ya ipaga tod bansal.
(2) Sankaabigan ya pananganan (hotel) diad Ibale ed saraman a panaon.
(3) Sikatoyay ngaray kawes na biin pilipina, ya “(aysing”, “panyo” tan “saya suelta ”, (ya pananawag ed saman a panaon na sapey ya anggapoy tapis) sapey a makapal a nandikolay andukey. Say inkingaran toy “mestiza” ta singa nanlaok, ta sy aysing tan panyo, gendat lan ikakawes day bibii diad Pilipinas kasakbayay in sabi da diay kakastila, balet ta say inkagaway “saya suelta” mialaan ed kawes day bibiid Espana, ta say gendat ya ikakana ray pilipinas nen inmonan panaon patadiong labat.
(4) Anak na Ugip tan say Labi, unong ed Mitologia.
