“S. Diego 11 de Noviembre.”
Sikatoyay inkurit ton may sumusulat ono “repor ter” a kuan na palapagan. Nengnengen tayo balet natan So belas na sulat nen Kapitan Martin ed kaaro ton Luis Chiquito.
“Pinablik a Choy:
“No anggapoy bengat lan makasbel, gangganom so onladia ta malikeliket so pamapalabas mi pistay baley. Palurey ka tay ngalngali la nadisbankay Kapitan Joa quin; dinoble nen Kapitan Tiago ya amitlo tan amitlon puertay analoan to. Diad gaway liket nen Kabesang Manuel, ya akanabong, ed sayan inkagawa singa la ingen manmeleg a manselek so pakanengneng ed sikato. Diad petang na ulo nen pari Damaso balet, ta anggapo nin balot so tineenan ton pinmaway, pinoniti ton pinisit so sakey a lamparaan; Apittat lan maong si Consul, pigara lan manok ton ibubulang so atalo, kanian naupot lan impatalo tod bulangan tan monti so amin a kinelkel ton tinalod sikatayo nen pistay Bihang tan diad Del Pilar ed Sta. Cruz.
“lilaloan mi la wari ya iba nen Kapitan Tiago so mamanogangen ton mayaman a tomatawir nen Don Ra fael Ibarra; balet ta atawir to amoy ama to ya selek, ta akin et anggapoy akanengneng ed sikato. No onia to singak la sankanengneng ya anggapoy naalagar ed sikaton kaabigan.
“Si intsik Carlos dakdakel lay pilak ya akelkel to ed liampo; say inap ko labat ta wala angangkoy awitawit ton antinganting ya akaamot, ngalngalin bato balani, ta akin et akaberber a lanang so ulo to ya ibabaga ton ansakit, insan no mankakalkalna lan ontonda may kiew a tetelekay liampo, ontewek a pinaspasia ya ngal ngali ton naangoban a singa bilang labay ton imanoen a maong. Siak said singa ak la pusa ya alanokan ta akamayamay lay nangnangelan kon onia.
“Salaya, Choy; saray manok kon ibubulang maong so pantatrabajo ra, tan si asawak malikeliket a mamapalabas na pista.
- “Say kaarom,
- Martin Aristorenas”
