Si Ibarra akaawat met na antikey a sulat a binalingitan ya inter nen Andeng ya agi nen Maria Clara ed soso nen labi inmonan agew na pista, ya oniay lugan to:
“Crisostomo:
“Masulok lan sanagew ya agtakani anengneng; nangelan ko ya agmakayari ka, kanian indasalan taka tan angiterek ak na duaran kandila anggaman ipapasout di ama ya aliwan ambelat so sakit mo. Kalabian tan natan pinastidio daak ya impantotugtog na piano tan papasouten daak ni ingen ya onsayaw. Agko ilaloan ya onia la manayay karakel na totoon makapaalipanes diad tapew na dalin. No ag labat si pari Damaso ya tatalibagaen toak a nambabangil a totungtongen to, nantalakak la angankod silir kon inmogip. Isulat mod siak no antoy itsuram ta ibagak ed kindi ama ya dalawen da ka. Imbakik ditay Andeng natan ta pian nilambongan to kay tsa; marunong a manggawa, anganko mas maong so gawa to nen saratay igaganggan mo.
- “Maria Clara
“P.D. No agka dia onia nabuas agak ondagop ed serimonia.
- Siak Ian lamang”
