Palbangon ni, linmiber laray banday musiko ya nantugtog ed kalansanganan a diad ligsay tugtog da so abangonan da lay naknaksawan tan apuyat lara kalamor a mibabaley. Singa lamet apasimbaloy bilay, tan pinmawil so sayaksak, a bansag na inggapo met lay tugtog na kampana tan tanol na bomba ran mankilaldak.
Sikato yay kaunoran ya agew na pista ono petepeteg ya agew na pista. Balbaleg so ilalo ray totoo ya saray nagawa ed sayan agew et palakbatan da ray anengneng ed imbeneg, ta onagew iray Hermanos na Venerable Orden Tercera. Saraya mas dakel ira nen saray Herma nos na Smo- Rosario, tan saray kalamanan da manimimis lara ya singa dala nananamen so pakatalona rad saray katagam da. Mas dakel so sinaliw dan kandila ya akakuarta ran maong so intsik, tan saraya, diad pisasalamat da lagi, nonunoten day manpabiniag, anggaman walaray mangibagan mangipasout a say labay dan panpabiniagan et aliwan say pananisia ra ed religion katolica no agta say pirawat da labat a pakaasawa. Nia balet so ebat dad saya na bibiin masasantos ay:
“Anggano ontan ni, sa labat so pankasal na akamayamay ya intsik a manbabansag, masulosulok lan ipasen a milagro; akauley laray kaasawaan da naanin mamakristianon petepeteg ed sikara.”
Saray katoowan insolong da ray sankaabigan a kawes da, tan inkana da met iray al aj as dan abayag la ran akaatol. Pati saray dilin tajor tan susugarol akaaysing iray binordaan a nanbotonis na brillante ran ankakabaleg, tan impaway da met a inkana ray ambebelat a golonggolong a balitok ya angibitinay reloj da, tan sombriro da ran jipijapa. Bukor labat nen masiken a
