labat ya akapadalit ed kaposoan day dinmengel no agta
diad karakpan to, pinano toy kelaw so amin a mantatalaran na yagos ed bibil to ray masamit a sobol a makapangiter na abig tan bilay na kamarerua. Masuri tan
matalek iran kanunotan, marakep a panangibesngaw tan
balo ran panangibaga, kagdgalaw ya ag inaral, makaamuyot a pananalita tan kaisfpan, sikarayay walan naalmo ed ipapasen a Bossuet(I) day kakastila, ya ontan
lay inkinepeg ed sikatoy inkadayew ton mansalita ya
aliwa labat lan diad saray atagey a pakatalus a ka
kastila no ag pati diad saray ag nanaral ya indio tan
sara met so matudion kaisipan ya intsik a tatawagen
iray anak na “Nanarian a matawen.”
Ontan man, dagdawit la warin sayan magmailalon
sumusulat et akaukolan ton binural so ayari lan insulat
to. Si pari Darnaso singa alikas toy onggagapon panateng to nen labin imbeneg; agto balet inasikaso tan
kayari ton nankakantay masaysayaksak iran kansion,
nansorbitis na toloran baso, insan linman ninmengneng
ya aganoy sarsuila. Nisesengeg ed saya apagas tan
agto la labay wari mansirmon, balet ta maniapod anggapolay naalmon mas makapikabat na impanbilay tan
gawgawa ran makapakelaw nen San Diego — tua ta
kabat ira nen kura et sikato balet lanti manmisa ----amin iramay arum a papari aparpara ran angibaga ya
anggaman walay panateng ton daiset, marakep nin siansiay tanol na bosis to tan kawkawanan lay abig na sirmon ya imparaan to tan impatlep to la no agto ituloy.
Lapod ontan samay akulaw a gendat lan panpipiyaan
ton manaasikasoy konbinto nen sikato ni kurad San
Diego, inggagawaan toy limonada, pindpoyokan tod pagew tan beklew na tambal tan larak ya ampetang, impanpalinget to, kinekemkem to, etc., etc. Angay duaran
iknol a tariwan binati ed alak insan ag sinmalita tan
ag nanalmosal a sankabuasan; inminom labat na sakey
a bason gatas, sakey a losor a soklati tan labinduan biskuit, ya intepetepel ton ag tinawayan so almosalan ton
kinabuasan a sakey a manok ya intiti tan kapalduay
kisoy Laguna, ta lapod say kuan ton may akulaw et
makapaokok so kiso tan manok ta maasin insan mataba.”
________
(1) Jacobo Benigno Bossuet, obispo ed Meaux, sanka nibantogan a maong a mansirmon a taga Francia.
